ئاگر لە گیان
2013-02-14T11:10:16+00:00
ھەڵفڕین خەونم شەو و روژ
ئەسر چاوانم بەسا توژ
چاتمە دا کوومەی خەمانم
دەس لە وێژدنگ سەر چەمانم
نامۆئی دنیای ڕەنگامەم
ھاودەنگم تەنیای دەماێدەم
کەس نیە ئاگا لە زامم
بێ ئەڤین بێ بەش لە کامم
تا لە زێد خوەم بە دورم
پرسیار کەم شون و لوورم
بێ ئەنگار پا لەێرە دانام
کەس نیە باێدن لە ھانام
ڕاوچی بێ ڕەحم و بێ کووم
ھەڵبەسا باڵ و پەڕ و پووم
جۊلەبڕ کرد ئەزرەتەیلم
خوین کرد ئرمێس چەوەیلم
خوەزگەو ئەو روژەم بھاتاێد
لەێرە رزگارم بۊاتاێد
دەربچو گیشت ژان و ئێشم
تام ئازادی بچێژم
ھەڵفڕم تا نیشتمانم
ئەو جیەی تێ شادمانم
س: jiyarkurd
وێنه: فوئاد گوده‌رزی
