يادكردنه‌وه‌ى 31ه‌مين ساڵه‌ى ئه‌نفالكردن 182 هه‌زار كورد
شه‌فه‌ق نيوز/ ملله‌ت كوردستان له شاره‌يل جياجياى, ياد 31ه‌مين ساڵه‌يل كرده‌وه‌يل ئه‌نفال كردن گ له‌لايه‌ن رژيم سه‌دام حسێن دژ وه ملله‌ت كوردستان ئه‌نجام دريا و له مانگ شوبات تا ئه‌يلول له‌ساڵ 1988 وه‌رده‌وام بوێ.
ئه‌و كرده‌وه‌يل ئه‌نفالكردنه له مه‌ترسيدارترين كوشتن وه‌جه‌م حكومى بوێ له مێژوو حوكم به‌عسى له عراق و پيكهات له هه‌يشت قۆناغ سه‌ربازى ك له‌تى هيزه‌يل سوپاو هێزه‌يل رژيمى وه‌شيوه‌يگ راسه‌وخۆ له‌تى به‌شدار بوين و له‌وانه‌يش فه‌يله‌ق يه‌ك ك باره‌گاى له كه‌ركوك بوى و فه‌يله‌ق په‌نج ك باره‌گاى له هه‌ولێر بوێ و هيز ئاسمانى و هيزه‌يل تايبه‌ت و پاسه‌وان كۆمارى و هيزه‌يل مغاوير و ده‌زگايه‌يل ئاسايش و هه‌واڵگيرى و جاشه‌يل و هه‌واڵگيرى سه‌ربازێ و به‌شه‌يل چه‌ك كيمياوى و بايلۆجى، بيجگه گشت ده‌زگايه‌يل خزمه‌تگوزارى ك خرياوێنه خزمه‌ت جيوه‌جيكردن ئى پرووسه‌يله.
قۆناغه‌يل هه‌ڵمه‌ت ئه‌نفال
ئه‌نفال يه‌كه‌م: ناوچه‌ى سلێمانى، گه‌مارۆ ناوچه‌ى(سه‌رگه‌ڵو)له 23 شوبات تا 19ى ئادار 1988.
ئه‌نفال دويه‌م: ناوچه‌ى قه‌ره‌داغ، بازيان و ده‌ربه‌نديخان له 22 ئادار تا 1 نيسان.
ئه‌نفال سێيه‌م: ناوچه‌ى گه‌رميان, كه‌لار, باوه‌نور, كفرى, دووز، سه‌نگاو، قادر كه‌ره‌م, له 20 نيسان 1988.
ئه‌نفال چواره‌م: له مه‌رزه‌يل هامارى(زێى بويچگ) وه‌ماناى ناوچه‌ى كۆيه و ته‌قته‌ق و ئاغجه‌له‌ر و ناوشوان، له 3ى مايس تا 8 مايس.
ئه‌نفال په‌نجه‌م وشه‌شه‌م و هه‌فته‌م: ده‌ورگرد شه‌قڵاوه‌و راوه‌ندوز, له 15ى ئايار تا 26 ئاب.
ئه‌نفال هه‌يشته‌م: ناوچه‌ى بادينان, ئامێدى, ئاكرێ, زاخۆ, شێخان, دهۆك, له 25 ئاب تا 6 ئه‌يلول له هه‌مان ساڵ.
پرووسه‌يل ئه‌نفال بويه هووكار كوشتن(182000)هه‌زار كورد.
پرووسه‌ى ئه‌نفال وه گوورى پێوه‌ره‌يل ناوده‌وڵه‌تى چيه چوارچێوه‌ى تاوانه‌يل جينۆسايد.
له رووژ 21/ 8/ 2006، يه‌كه‌مين سكاڵا له‌باره‌ى ئه‌نفاله‌و له به‌غدا به‌رزه‌و كرياو دادگايش بڕيار يه‌كلاكه‌ر دا له‌باره‌ى دوسيه‌ى ئه‌نفال و وه‌گووره‌ى ئه‌وه‌يش تاوانه‌يل ئه‌نفال وه تاوان له‌ناوبردن وه‌جه‌م(جينۆسايد)تاريف كريا.
