وە دوو کوت لەناوبەین کوڕ و دویەت.. عراقیەیلیگ خوەیان کوشن.. ئەڕا؟
فەرەح ئەرا ئاژانس شەفەق نیوز باس ئەو تەقەلای خوەیکوشتنە کەێد، ک زوور دەروینی فرەیگ وەلایەن خیزانەگەی هاتە بانی، و دووپات کەێد ک گرفت و زوورەیل خیزانی دویەتەیل ئەرا خوەیکوشتن بەێد.
فەرەح تەمەی دویەتەیل کەێد ک خوەیکوشتن چارەسەر گیچەڵەگە نیەکەێد، و چارەگی من ئەوە بوی ک پەنا وە گەورەی خیزانەگە بردم، و لەناو خیزانەگە وەقسەی کەن، و ئەوەسە ک تەمەی دویەتەیل وەپی کەم تا وەشیوەی ئاشتیانە چارەسەر گرفتەیل بکەن، وەبی مردن کەسیگ.
٧٠ خوەیکوشتن لە مانگیگ
خوەیکوشتن وەشیوەی وەردەوامیگ هەر ساڵیگ بەرزەو بوود، وەتایبەت لە ساڵەیل دویایین، ک لەناو یەک مانگ لە ٥٥ تا ٧٠ خوەیکوشتن بوود، وەگورەی قسەی عەمید غالب عەتیە وەڕیەوبەر پولیس کۆمەڵایەتی، ک دیاری کرد؛ شمارەی خوەیکوشەیل ناوبەین کوڕ و دویەتەیل نزیک یەکە، باوجی شیوەی خوەیکوشتنەگەیان جیاوازە.
عەتیە لە قسەیلی ئەرا ئاژانس شەفەق نیوز ئویشێد: کوڕەیل هەمیشە وەچەک خوەیان کوشن یا لە شوین بەرزیگ خوەیان وەشنن، وەلێ ژنەیل هەمیشە خوەیان سزنن یا بڕ فرەیگ لە مادەی هوشبەری یا دەرمان یا چشتیگتر خوەن، وتیش: تەمەن خوەیکوشەیل جیاجیاس، بەشیگیان گەنجە و بەشیگ لەتەمەن گەورەس.
هوکارەیلیگ سەرەکی ئەرا خوەیکوشتن
فرەی هاوکارەیل خوەیکوشتن لەلای ناخاڵەیل چوودەو ئەرا ئەوە ک گرنگی کەم وەپیان دریەێد، و کەسیگ لەناو خیزانەگە نییە قسەیگ وەردی بکەن یا کەسیگ نییە تەمەیان بکەێد، وەگەرد گرفتەیلیگ هەسی لەلای بەشیگ لە دویەتەیل لە وەختیگ سووزیگ لەلای خیزانەگەی پەیا نیەکەێد، ک زوور دەروینی کەفێدە بانی، و هیلێد خوەی بکوشێد، وەگورەی قسەی وەردە خوایی خانمە توێژێنەر کۆمەڵایەتی.
وەردە خان لە قسەیلی ئەرا ئاژانس شەفەق نیوز ئویشێد: تەنیا لە ماوەی سێ ٢٠٢٢، زیاتر لە ٧٧٢ کەس خوەیان کوشتنە، ک یە لە باوانەیل خوازێد برادەری گەنجەیل بکەن و چەویان وەپیان بوود، تەنانەت لەو باوەتەیلە ک لە چەو ئەوان تامیگ نەیرن، تا گەنجەگە هەس بکەێد خوەی تەنیا نییە، وەگەرد تەقەلای چارەکردن گرفتەیلیان وەرجەیەگ بوەێدەیانە خوەیکوشتن.
مادەی ٤٨٠
حەنین تارق خانمە پسپۆڕ یاسایی ئویشێد: حاڵ سێیەم لە مادەی ٤٨٠ لە یاسای عراق سزای ئەو کەسە نیەێد ک تەقەلای خوەیکوشتن دەێد، چوینکە تاوانیگ لەناوی نییە، واتە ئەو کەسە ک خوازیە خوەی بکوشێد، و خوەی نەکوشت یا وەپی نەکریا هویچ سزایگ لەبانی نییە، وەلێ یاسای سزادان عراقی تاوانبار ئەو کەسە کەێد ک گاڵ خوەیکوشتن دەێد.
حەنین خان لە قسەیلی ئەرا ئاژانس شەفەق نیوز ئویشێد: خاڵ یەکەم لە یاساگە ئویشێد: سزای زیندانیکردن لە ٧ زیاتر نەوود لەبان هەر کەسیگ گاڵ کەسیگ داگە یا دەسمیەتیی وەهەر شیوەیگ داگە تا خوەی بکوشێد، ئەگەر خوەیکوشتنە لەبان ئەو کردەوە بویە، باوجی سزاگە رەسێدە زیندانیکردن کەمتر لە ٥ ساڵ ئەگەر ئەو کەسە خوەی نەکوشت وەلی دەس وەخوەیکوشتن کرد، واتە گاڵی داگە وەلێ خوەیکوشتن نەویە.
خانمە پسپۆڕە یاسایی دیاری کەێد ک خاڵ دویەم لە مادەی ٤٨٠ ئویشێد: ئەگەر خوەیکوشەگە لەتەمەن ٨ ساڵان تەواو نەکردگە، یا توانا و زرنگی نەیاشتگە، ئەوە لەبان ئەو کەسە ک گاڵی داگە سەختەو بوود، و بوودە کوشتن زانەستەنی یا دەسکردن وە کوشتن.
