مووسڵ.. باج سەنن و بڕین ریەگان پەک بازرگانی خەێد
شەفەق نیوز/ لە رز دریژیگ، شۆفیر ئەحمد عەزیز « ٤٠ ساڵان» لە نوای ترێلەگەی ئەرا دوو رووژە لە وەردەم پیه‌ڵیگ لەبان چەم دیجلە لە شار مووسڵ وسیەێد، وە پەنای ئەوەس ک ری ئەرای واز بکریەێد، و بار ماشینەگەی بڕسنێدە شوون خوەی.
ریەگان لە روی ئی شۆفێرە وهەزارەیل لە شیوەی خوەی وەگەرد ماشینەیل باریان بڕیان، لە رز دریژیگ لەناو و دەیشت مووسڵ، دویای ئەوەگ دەسەڵاتە خۆجێیەگان بڕیار بەسانن پیه‌ڵە سەرەکیەگە ک ئەرا رەدبوین ماشینەیل بارەگان لەشارەگە تەرخان کریاگە دان، وهەمیش لەبان پوڵە بان ئاوییەگەیش ری وەپیان نییەن.
ترێلەگان لە رزیگ لە وەردەم پیه‌ڵە بان ئاوییەگە لەناوچەی غابات لە لایە چەپین وسیان، وەرەو ناوچەی حاوی کەنیسە لەلای رلداس رەد بوود.
سەرچەوەیگ ئەمنی لە پۆلیس خۆجێی ئاشکرای دەرچگن بڕیاریگ کرد لە قەیەغەی ماشینەیل بارەگان لە رەدبوین وەبان پیه‌ڵ دوویەم لە مووسڵ، ک ناسریاگە وە پیه‌ڵ حورییە، ک خوەی تەنیا پیه‌ڵیگ بوی ماشین بارەگان لە هەردوگ لای شارەگە وەبانیا رەدبویان، بیجگە ئەو ماشینەگان ک لە دەیشت نەینەوا تیەن.
سەرچەوەگە ئەرا ئاژانس شەفەق نیوز وت: ئاگاداریەگە ئەرا فەوج ١٤ لە پۆلیس خۆجێی هات ک پیه‌ڵەگە هالە وەرپرسایەتی کەرتەگە.
ماشینەگان روی کردنە پیه‌ڵ نەسر، دویای بەسانن پیه‌ڵ حورییە، تا بەشکی وەپیا رەد بوون، و وەناکاوەو هەمیش قەیەغە کریان.
دويای زیاتر لە ٢٤ ساعەت لە بڕین پیه‌ڵەگە، هەزاران لە ماشینەیل بارەگان چگنە ناو مووسڵ، فرەیان لە هەرێم و وەرەو پارێزگا باشووری و ناوڕسەگان هاتنە، بەڵکم لەناو شارەگە گیر هاتن.
دریژەی رزەگە رەسیە زیاتر لە ٣ کێلومەتر.
وهیچ روونکردنیگ لە هیچ لایەنیگ دەربارەی هووکار بەسانن پیه‌ڵ حورییە لەنوای ماشینەگان نەکریا، هەرچەن پیه‌ڵەگە وەرجە چەن مانگیگ خاسەو کریا و وازی کردن. گشت پیه‌ڵەگان لەناوبەین هەردوگلای مووسڵ لە وەخت جەنگ رزگارکردنی لە داعش ویران بوین و لەکار کەفتن.
هەرچەن دەور ٤ ساڵە لە رزگارکردن شارەگە رەد بویە، بەڵکم تەنیا دوو پیه‌ڵ خاسەو کریان، وهیمان سێیەم پیه‌ڵەگە لە کار کەفتگە، و چوارەم و پەنجەمەگە تەنیا ئەرا ماشینە بویچکەگان وازن، دویای ئەوەگ وەشیوەیگ وەختانە پیه‌ڵ ئاسن ئەرا سووکەو کردن قەرەباڵغیەگە لەبان خەڵک شارەگە و پارێزگاگە وەشیوەیگ گشتی دانان.
چەم دیجلە لەناوڕاس شار مووسڵ رەد بوود، و کەێدەی دوو بەش، کناراو چەپ و کناراو راس، و وەرجە جەنگەگەی داعش وەپەنج پیه‌ڵ هەردوگلاگەی وەیکەو بەسیاوید.
مووسڵ رییگە ستڕاتیژییه ئەرا رەدبوین کاروانە بازرگانیەگان ک لە هەرێم کوردستان و مەرز ئیبراهیم خەلیل تیەن و بەغداد و پارێزگایل باشوور وڵاتەگە.
رەدکردن له مووسڵ شەوەیگ ئه‌خوازێ ئەرا شۆفێرەیل ماشینەیل بارەگان، وەگورەی قسەی شۆفێر ئەحمەد عەزیر، ک ئاماژە کرد ک دوو رووژ خوازێد تا لە یەک پیه‌ڵ لە مووسڵ رەد بکەێد.
و ئەرا ئەوە کەمتر چەوەڕی بکەن، یا ناچار نەوون بەشیگ لە بارەیلیان چووڵ بکەن، شوفێر و بازرگانەگان رشوەت دەنە دەزگا ئەمنیەگان لە نوای دەروازەیل پیه‌ڵەگان، وەگورەی قسەی ئەحمەد عەزیز شۆفێر.
و دیاریکرد ک بەشیگ لە شۆفێرەگان ناچار بوون پویل بیەنە ئەو هێزەیلە لە نزیک پیه‌ڵ نەسر تا لە رزەگان نەووسن و بارەیلیگ فرەتر بووەن.
وتیش؛ ئەو کەسەگ پویل نەیەێد، ناچار بوود بەشیگ لە بارەگەی داگرێد، و وەماشینەیل کەیا بوەێدەیان، ئیجا دووارە باریان بکەێد و ریەگەی تەواو بکەێد.
عەزیز ئاماژە کرد ک ئەیە خەرجەیل فرەیگن، و جاروبار ناکۆکی لەناوبەین شۆفێرەگان و بازرگانەگان بوود، بەڵکم ئەوەگ ناچارە بایەدە پویل بیەێد.
شوفێرەگە ئاشکراکرد ک بازرگانەگە جاروبار ناچار بوود لە ٢٥٠ تا ٣٠٠ دۆلار لەبان هەر ماشینیگ لە پیه‌ڵەگە رەد بوود بیەێد، ئەرا ئاسانکردن ئەرک رەسانن کاروانەیل
