لەوەختیگ ناڕزایل ئیران هەڕەشەی رژیم دەن دەسەڵاتیش بوودجەگە ئەرا سوپای پاسداران خەرج کەێد
![لەوەختیگ ناڕزایل ئیران هەڕەشەی رژیم دەن دەسەڵاتیش بوودجەگە ئەرا سوپای پاسداران خەرج کەێد](https://media.shafaq.com/media/arcella/1673958805991.jpeg)
رووژنامەی The Times بەریتانی وت: ئیران بوودجەی سوپای پاسداران وە ئاست ٢٨٪ بەرزەو کرد، و بەشیگ لە پسپۆڕەیل دووپات کەن ک داهات سوپای پاسداران هاتێ بڕەسێدە ١٧ ملیار دۆلار.
وەگورەی رووژنامەگە، ئی زیایە لەپشت ئەوە هات ک ٣ ملیار دۆلار لە نووترین بوودجە دریا هیزەیل ئەمنی ئیران، ک ئەرک گەورەیگ لە کوشتن و بڕین ناڕەزایل لە گشت وڵاتەگە دیرن، هەرچەن ئابووری وڵاتەگە رمیاگە.
زیایکردن بوودجەی سوپای پاسداران
جیسۆن برۆدسکی، پسپۆڕ کاروبار ئیران ک لە ئەمریکا نیشتیە، و وەڕیەوبەر سیاسەت لە ریخریاگ "یەکێتییمن دژوە ئيران" ئەتۆمیە، ئاشکرای توومار دەنگی کرد ک ریبەر ئیران ٩٠ لەسەد لە داهات گرووپ یاس ک کۆمپانیاگە پەیوەندی وە سوپای پاسداران دیرێد، داگە فەیلەق قودس، ئەراوە، ئەوانە تەنیا پشت وە بوودجەی دەوڵەتەگە بەسانە.
رووژنامەگە وتیش: پارەکە، ریبەر حەماس، ئیسماعیل هەنیە، ئاشکرا کرد ک ئیران لەی دویاییە ٧٠ مەلیۆن دۆلار ئەرا گرووپەیل چەکدار فەلەستین پیشکەش کردیە، تا گەشە وە مووشەک و سیستەم وەرگری بکەن.
لە مانگ گوزەشتە، جەیمس کیلڤرلی وەزیر دەرەوەی بەریتانیا، چەسپانن سزایلیگ لەبان سوپای پاسداران ئیرانی راگەیان، دویای ئەوە ک دەرکەفت پلان ئەرا پەلامارداین ئۆپۆزسیۆنەیل ئیرانی لە بەریتانیا دانەێد، لە وەختیگ ک ئیرنگە سیاسەتمەدارەیل بەریتانیا داوای داناین سوپای پاسداران ئیرانی لناو لیست تیرۆر کەن.
وەگەرد ئەوەیش، بوودجەی سوپای ئێرانی وە ریژەی ٣٦٪ زیای کریا، تا بڕەسێدە زیاتر ٦١.٢٢ ملیار دۆلار، و بوودجەی پولیس وە ٤٤٪ بەرزەو بوود، تا بڕەسێدە ٥٢٪ ک بوودە ٥٠٠ مەلیۆن دۆلار، و ٢٣٠ مەلیۆن دۆلار وە ئاست ٥٥ لەسەد ئەرا سپۆنسەرکردن زیندانەیل زیای بوی.
لەی باوەتە، کوڕوش زیاباری رووژنامەنویس ئیرانی وت: سرەبازکردن بوودجە وەگەرد خوازین دانیشتگەیل نەگونجیاگە.
ک وت: لەوە گەنتر ئەوەسە ک لەبان ساڵیگ لە کەمخواردن، خەرج ریخریاگەیل پرۆپاگەندە، جویر ئیزگەی کۆمار ئیسلامی ئیران بوودجەی وە ئاست ٤٩ لەسەد زیای کرد ک رەسێدە نزیکەی ٢٠٠ مەلیۆن دۆلار، و ریخریایەیل ئاینی و روشنهویری ک هەمیشە سوود کەمیگ ئەرا مەردم دیرن خەرجیان دووقاتەو بوی.
رەوش ئابووری سەختیگ لە ئیران
تایمز وت: فرە لە مەردم ئاسایی توانای سنین میوە و سەوزە وەگەرد داوەزین نرخ پەیا ئیرانی نەیرن.
نرخ بازاڕەگە وەشیوەی زوییگ گرانەو بوی، تا رەسیە رادەیگ ک سەنین لە پارەکە رەسیە نیمە.
لە بازاڕ شار ڕەشت ئیران، ک ئەوسا گەرم و گورج بوی، ئیرنگە میوە فرووشەیل و نانەوایل نیفرووشن تا بنمایەی خوەیان درارن.
وتیش؛ ئەوەگ جاران ناوەند دانیشتگەیل شارەگە بوی، و نمایشیگ ڕەنگاوڕەنگ ئەرا ئاڵەت و میوە و شیرینی و نان بوی، ئیسە بویە نشانەی بەدی ئابووری لە ئیران.
هەرچەن دەوڵەتەگە کەفتیەسە پلەی دویەم لە جەهان لە پشتدەسەی گاز دویای قەتەر، باوجی تەکنەلۆجیا ئەرا زیادکردن سوود لەو سامانەیل فرە نەیرێد، و لەبان ئەوەیش، داوا لە ئیرانیەیل کریەێد گەرمەوکردن لەناوڕاس زمسان بووسنن.
ماردو سوغوم پسپۆڕ ئابووری ئیرانی وت: پلاتفۆرم و پەمپ گەپ خوازن تا گازەگە درارن، و تووڕ بەشەوکردنیش خاس نییە، ک نزیکەی ٤٠ لەسەد لە وزەگە گوما بوود، و ناچار بوینە کارخانەیل بوەسن تا گەرمەوکردن ئەرا ماڵەیل بڕەسێد، و لە مانگ گوزەشتە، حکومەت گاز لە ٨٠٠ لایەن حکومەتی بڕێد، تا وزەگە بڕەسێدە ماڵەیل، لەوەر ئەو گەردەلویل وەفرینە.
سوغوم وتیش: ئەرا خاسەوکردن بەرهەم، حکومەت بەرهەمهاوردن و تەکنیک خوەرئاوایی وە نزیکەی ٤٠ ملیار دۆلار خوازێد، ئەراوە، وەگەرد ئی سیاسەتە ک ئیسە ئیران وەگەرد دەیشت کەێد، و ئەو دوژمنیە وەگەرد خوەرئاوا ک لەناوی گیر هاتگە، نە پویلیگ و نەیش تەکنەلۆجیا دیرێد، تا هەکاتی قەتەر بکەێد.