رسوایی "سێکسی" لە تەڵاقداین لە عراق دیار دەێد
شەفەق نیوز/ ئاژانس شەفەق نیوز، چیە بندروس ئەو کردەوەیل ئەڵاجەویە ک رەسێدە تەڵاق لە دادگایل عراقی، وەگەرد هاتن چشتەیل نوویگ ئەرا ناو ئی کارەیلە، ک خوەی "رسوایی سێکسی"ە کەفتیەسە ناو هاوسەرەیل، ک وەگەرد سۆشیال میدیا بویەسە دوو کار هیلێد ماڵەیل بڕمیەن، وەگەرد داوایلیگ ناباو لەناو ئەو کارەیلە ک لەی چینە باسی کریەێد.
ئی کارەیل ئەڵاجەویە، وەگەرد پارێزەر وپسپۆر یاسایی لە باوەتەیل خیزان و تونوتیژی خیزانی عەلی لەتیف جرێسی ک ئەرا ئاژانس شەفەق نیوز باس ئەو کارەیلە کەێد ک وەچەو خوەی دییە و وەگووش خوەی ژنەفتیە، ک لەوانە یەکیگ لە شویەیل ناچار ژنەگەی کردیە لەمەوقەی جفتبوین وینەی بگرێد، و وازیش لە ماف خوەی وبڵاوکردن ڤیدیۆگە بارێد، ودیاری کرد ک هەڕەشەی خوەی هاوردە جی و پارچە ڤیدیۆگە بڵاو کرد، هەرچەن ژنەگە ڕازی نەوی.
جرێسی باس کردەوەیلیگ تر کەێد ک شوییگ ناچار ژنەگەی کردیە وەگەرد برادەرەگەی بخەفێد، تەقەلا دایە خوەی وبرادەرەگەی وژنەگەی وەیەکەو جفت بوون، باوجی ژنەگە پەنا وەباوان خوەی بردیە تا لەی کارە قورتاری بکەن.
پسپۆڕەگە هەمیش باس ئەڵاجەوترین کار کەێد ک شوییگ تەقەلا دایە سێ برای لە ژنەگەی بەشدار بوون چوینکە پویل نەیرێد، ک هیشت وە دەسمیەتی یەکیگ لە هاوسایل ژنەگەی لەماڵ بواێد وبڕەسێدە خیزانەگەی، و خوەی رەسانە دادگایگ لە بەغداد تا تەڵاق بسینێد.
جرێسی باس ئەوەیش کەێد ک ژنیگ تەڵاق سەنیە چوینکە شویەگەی وەدەنگ بەرز قرقینە دەێد، و هەمیش وەدەنگ بەرز شۆربا خوەێد.
ژنەیل فرەتر
ئەنجومەن دادوەری باڵا ئاماریگ وە تەڵاقداین لە ئایار ئی ساڵە بڵاو کرد، نشان زیاتر لە ٥٢٠٠ تەڵاق لە پارێزگایل عراق دەێد.
پسپۆر یاسایی سەفا لامی ئەرا ئاژانس شەفەق ئویشێد: ژنەیل فرەتر داوای تەڵاق کەن، ودیاری کرد ک فرەجار دەسەڵات هووزانە دەسدەێدە وەر تا دەرفەت ئاشتەوبوین پەیا بکەن یا وەیەکەو ڕێک بکەفن وەرجەیەگ بڕەسنە دادگا.
ماڵپەڕەیلیگ توومەتبار لە سۆشیال میدیا
لەلای خوەییش خانمە شارەزای کۆمەڵایەتی ئەمانی شمەری ئویشێد: گەشەیل تەکنەلۆژیای نوو وماڵپەڕەیل سۆشیال میدیا ئاست تەڵاق بەرزەو کرد، تایبەت ک ئەو گەشەیلە وەدژ رسوومەیل خیزانەیل عراق لە کۆمەڵگایل جیاجیای بوون.
شمەری لە قسەیلی ئەرا ئاژانس شەفەق نیوز دیاری کرد ک لە هووکارەیل زیایبوین خوەی تەڵاق وەرجەوەختە ولەیەک نەڕەسینەوەی هەردوگ لایەن، ورەوشەیل ئابووری، و دەسوەردان خیزانی لە هەردوگلاس، وتیش: چشت ئەڵاجەوییگ کەفتیەسە ناو کۆمەڵگای عراق، ئەوەیش توومارکردن ژنەگە وەدڵنگ وشیوەی ناپووڕیاگ، ئیجا هەڕەشەدانی وەپی.
خانمە شارەزای کۆمەڵایەتی چارەیلیگ ئەرا ئی سیمایلە پێشنیار کەێد ودیاری کرد ک خولەیل رووشنکردن وکۆڕەیلیگ لەلایەن ریخریایل کۆمەڵگای شارستانی خوازیمن ئەرا نواگردن سیمای جیاوەبوین.
