راپۆرتيگ بريتانى باس له سابقه‌ى سه‌ركرده‌يل حكومه‌ت تازه‌ى عراق ئه‌كا
شه‌فه‌ق نيوز/ ماڵپه‌ڕ"ميدڵ ئێست ئاى" بريتانى له راپۆرتيگى باس له شيواز دامه‌زرانن حكومه‌ت عراقى كرد ك ناوه‌يليگ گرته‌سه خوه‌ى و به‌رنامه‌يل ته‌وافقييان ئاشكراس جوور محه‌مه‌د حه‌لبوسى سه‌رۆك په‌رله‌مان.
له‌يوا دياره مه‌سه‌له‌ى دامه‌زرانن حكومه‌ت تازه‌ى عراقى له‌بان نزيكه‌وبوين ته‌كنۆكراتى ته‌وافقيه، له‌جياى ئه‌وه‌گ دقه‌ت له‌بان ئنتمايه‌يل تايفى و ره‌گه‌زێ بكا.
ماڵپه‌ڕه‌گه له‌ى راپۆرته وت: ئاشكراى دامه‌زرانن 14 وه‌زير كرياگه له جه‌م 22 وه‌زير. ئه‌و وه‌زيره‌يله ئه‌چنه پاڵ هه‌ر يه‌ك له به‌رهه‌م ساڵح سه‌رۆك كۆمار و محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل و عادل عه‌بدولمهدى سه‌رۆك ئه‌نجومه‌ن وه‌زيره‌يل، ئه‌ويش ئه‌را سه‌ركردايه‌تى ده‌وڵه‌ت ك ناڵنێد وه‌ده‌س بڕيگ كيشه‌ى ناوخوه‌يى، هه‌ر له خوه‌ينيشانداينه‌يل به‌سره تا ره‌سيده بنياتناين ده‌وڵه‌ت له‌دوياى ده‌رچگن داعش.
راپۆرته‌گه ئاماژه وه ئه‌وه كرد ئه‌و هه‌رسێ سه‌ركرده له‌يلاىن چوار لايه‌نه‌و له عراق دانريان، له‌وانه‌يش سه‌ربازگه‌ى موقته‌دا سه‌در و ركابه‌ره‌يلى له په‌له‌مانتاره‌يل سه‌ر وه فه‌سيله‌يل شيعه ك بڕيگ له‌ليان وه لايه‌نگر ئيران تومه‌تبار ئه‌كريه‌ن و بڕيگيانيش وه لايه‌نگر وڵاته‌يل يه‌كگرتگ ئه‌مريكا.
راپۆرته‌گه باس له‌وه كرد ئه‌و نزيكه‌وبوين ئختزاليه ئغراكردن تايبه‌تيگ ئه‌دێ وه‌ل عادل عه‌بدولمهدى سه‌رۆك وه‌زيره‌يل، ك ئه‌را ماوه‌يگ له ئيران ژياگه‌و، به‌رهه‌م ساڵح ك هيمان مقه‌يه‌تى له په‌يوه‌نديه‌يلێ وه‌ل ئيران ئه‌كا و جوور كه‌سه‌يل تر سياسى له عراق ك له‌سه‌رده‌م سه‌دام حسێن له ده‌يشت وڵات ژيانه‌و داواى ده‌سميه‌ت و په‌نابه‌رى كرديان له‌لايه‌ن ئيرانه‌و.
وه‌لێ له حاڵه‌تيگ ساڵح و عه‌بدولمهدى ك گوزه‌يشته‌يان وه‌ل ئيران بويه، ئيسه ماناى ئه‌وه‌يش نيه ك سه‌ر وه‌و وڵاته بوون، ئه‌ويش له‌وه‌ر ئه‌وه‌گ فكره‌يل سياسييان په‌ره سه‌ندگه وه‌ل گوزه‌ركردن وه‌خت و بنيات له‌بان بنه‌ماى ئنتهازى بويه له‌جياى ئه‌وه‌گ ئنتماى ئايدۆلۆجى ئه‌را واشنتۆن يا ته‌هران داشتوون.
راپۆرته ئه‌وه ده‌رخست ك يه‌كه‌م ئه‌ركه‌يل په‌رله‌مان تازه‌ى عراقى له‌شوون هه‌ڵوژاردنه‌يل ئه‌وه بوى سه‌رۆك ئه‌نجومه‌ن نوێنه‌ره‌يل هه‌ڵوژارن ك عه‌ره‌ب سنيه، دوياى دامه‌زرانن محه‌مه‌د حه‌لبوسى ئه‌را سه‌رۆك په‌رله‌مانيش، ئه‌وه بوێ په‌رله‌مان به‌رهه‌م ساڵح هه‌ڵوژان ئه‌را سه‌رۆكايه‌تى وڵات له ته‌شرين يه‌كه‌م/ ئوكتۆبه‌ر و گه‌وراترين كوتله‌يش له په‌رله‌مان داواى هه‌ڵوژانن سه‌رۆك وه‌زيره‌يل كرد.
وه چه‌واشه‌ى ساڵح و عه‌بدولمهدى، محه‌مه‌د حه‌لبوسى له ده‌يشت وڵات نه‌ژيا، ك زويتر پۆست پاريزگار ئه‌نبار داشت، دياره جه‌ده‌ل ره‌سانن ك گوايا له‌بان بنه‌ماى سه‌ر وه ئيرانه، ئه‌ويش وه بوونه‌ى پتشگيرى هاوپه‌يمانى هادى عامرى بوێ ك سه‌ركرده‌يل شيعه گرته‌سه خوه‌ى ئه‌را كانديدكردنيان، وه‌ل ئه‌وه‌يشا دياره كاروان حه‌لبوسى ئه‌وه له‌لى دياره ك مقه‌يه‌تى له په‌يوه‌نديه‌يل خاسيگ ئه‌كا وه‌ل وڵاته‌يل يه‌كگرتگ و هاوپه‌يمانييشى وه‌ل عامرى ك يه‌يش ده‌سميه‌تى دا ئه‌را وه‌رگرتتن ده‌نگه‌يل.
ئه‌و راپۆرته زياتر وت: به‌رهه‌م ساڵح له شانشين يه‌كگرتگ خوه‌نستگه‌و باوه‌ڕنامه‌ى دكتۆرا هاوردگه له ئحسا و به‌يانات و نوێنه‌ر يه‌كێتى نيشتمانى كوردستان بويه له واشنتۆن له‌وه‌ختيگ ك خوه‌ندكار خوه‌نين باڵا بوى له زانكۆى جۆرج تاون، وه‌لێ له‌ساڵ 2018 چيه‌سه ناو ركابه‌رى هه‌ڵوژانن جوور كانديد سه‌روه‌خوه‌ى له حزبه‌گه‌ێ. ئمجا هه‌ناى ك ساڵح هاته‌و ئه‌را سلێمانى جوور وه‌رپرسيگ حكومى، رۆڵيگ سه‌ره‌كى داشت له پرووژه‌يل جوور په‌يوه‌سكردن تووڕ كاره‌با له ئيران و وازكردن لق ئه‌را زانكۆى ئه‌مريكى ك يه‌يش له‌يوا كرد هاسه‌نگى بكا له‌ناونى كاريگه‌رى ئيرانى و ئه‌مريكى له‌بان ئاينده‌ى عراق.
راپۆرته‌گه وت: هه‌رچه‌نى عه‌بدولمهدى له خيزانيگ ئاينپه‌روه‌ر شيعه‌س، وه‌لێ ئه‌وه نواگيرى له‌لى نه‌كرد مه‌يلى وه‌ره‌و لاى حزب شيوعى عراقى بچێد، شۆرش ئسلامى ئيرانييش سه‌رچه‌وه‌يگ ئلها بويه ئه‌راێ، وه ئه‌وه‌گ پرووژه‌يگ بويه دژ زاڵبوين حزبه‌يل چه‌پ.
راپۆرته دقه‌ت له‌باره‌ى كاروان هه‌رسێ سه‌ركرده كردگه، وه‌ئه‌وه‌گ نه‌بايه‌د ته‌سنيف هه‌ركام له‌ليان وه‌شيوه‌يگ راسه‌خۆ بكريه‌ێد له‌ژير به‌يداخ سه‌ربازگه‌ى ئيرانى يا ئه‌مريكى، يه‌يش بيجگه ئه‌وه‌گ ئه‌وان سه‌روه‌خوه‌يانن له كوتله‌يل سه‌ره‌كيى سياسى.
ليست ئيسه‌يش له وه‌زيره‌يل بڕيگ له ته‌كنۆكراه‌يل جوور لوئه‌ى خه‌تيب وه‌ڕيه‌وبه‌ر وزه‌ى عراقى و سامر غه‌زبان وه‌زير نه‌فت و فوئاد حسێن وه‌زير دارايى ئه‌گرێده خوه‌ێ، وه‌لێ هه‌وه‌جه ئه‌را ئى ئۆپۆزسيۆن دووانييه جوور هه‌وه‌جه‌يگه ئه‌را پشتبه‌سانن وه تايفى ئه‌را ره‌سينه‌وه‌ى روێداگ سياسى عراقى ك دايناميكيه‌ت سياسى عراقى فيشتر مه‌ترسيدار كرد.
له كووتاييش، راپۆرته‌گه جه‌خت له‌وه كرد ئه‌و هه‌رسێ سه‌ركرده له‌ماوه‌ى هه‌فته‌يل ئى دوياخره كار له‌بان دامه‌زرانن حكومه‌ت ديموكرات تكنۆكرات و مكوڕبوين له‌بان مقاومه‌ى مه‌يلداشتن له پشتگيرى كابينه‌يل وه‌زارى وه‌گووره‌ى بنه‌مايه‌يل ره‌گه‌زێ و تايفى، شان وه‌شان بودجه له‌ناونى ئه‌جنداى ئه‌مريكى و ئيرانى.
