دۊیای ئارد و گوشت چەرمگ... "گوشت سووریش" رەسێدە لیستەگە

شەفەق نیوز/ لەی دۊیاییە  نرخ گووشت سوور لەبازارەیل بەغدای پایتەخت عراق بەرزەوبۊی تا بچوودە پاڵ هاوتا چەرمگەیل  و خوەیان دۊر لە رەسینیان بمینن ئەرا  خێزانە هەژارەیلە بسیننەی.   ئێ بەرزەوبۊینە سایەکیەگەی  وەسەر  نەدارەیل دروسکردیە ک توانای گووشت سەنین نەیرن، و بڕیگ لە کریارەیل دوکوت ئەوە سینن ک ئەوسا سەنیان. 

 کوشتارگەی حکومەتی "کەم"   خاوەن دکان گووشتفروشی "ئەبو ئەحمەد" لە ناوچەی کەرادە ناوراس بەغدا وە ئاژانس شەفەق نیوز وت: " بەرزەوبۊینەگە نزیکەی هەزار دینار ئەرا هەر کیلوگرامیگە .

وەگورەی نرخ گوور و پەس هەردگیان رەسنە 14 هەزار دینار ئەرا کاور و 13 هەزار دینار ئەرا گوور، لە بڕیگ ناوچەیل بەغدا ئەرا 15 هەزار دینار بەرزەوبۊی.   

زیاتر ئەو گووشتەیلە سینین لە گۆرەپان تایوەت وە فروشتن کاوڕ و گوور زنی لە گۆرەپانیگ تایبەتە و بەشەو کریەێدە شۊینەیل فرەیگ لە بەغدا و هەر لەو شۊنە سەر بڕن، " وتیش کوشتارگەیل حکومی سنووردار کریانە تەنیا یەکی مەنییە لە ناوچەی نەهروان خوەرهەڵات پایتەخت جاران ئەرا چەن ناوچەیگ بەشیەو ئەکرد".   

باوگ ئەحمەد باسکرد" سەنیین گووشت فرە کەمترە وە چەو جاران دۊیای بەرزەوبۊین نرخ"، وتیش؛ بسینەیلە و دەوڵەمەنیلە لە ئیسە ڕێژەی کریارە نەدارەیل رەسیە دوکوت گوزەشتە". 

بەرزەوبۊین نرخ لەوەڕ 

 محەمەد ساڵح، یەکیگە لە ئیوەتکەرەێل ماڵات، وت: نرخ بەرزی گووشت لەوەر بەرزەوبۊین نرخ لەوەڕ درووسبۊیە ک حکومەت یارمەتیان نیەێد.  ساڵح وە ئاژانس شەفەق نیوز وت:  وەزارەت کشاوەرزی پشتگیری ماڵاتدارەێل نێکەێد، دۊیایش نرخ لەوەڕ بەرزەو بۊیە ئەرا دو ئەوەنە، باسکرد، بەرزەوبۊینەگە کەمە وەچەو نرخ مامر و خا لە عراق". 

ساڵح  باسکرد، " نرخ ئارد چەڵتۊکدار بەرزەوبۊیە لە 5 هەزارەو ئەرا 15 هەزار دینار ئەرا هەر یەک گۊینیەیگ 15 کێلۆگرامی"، دیاریکرد، کەمی لەوەرلڕ کارکردیە لە قەڵەوی مەروماڵاتەێلە.   

وەزارەت کشاوەرزی "شکستخواردگ"  بڕیگ فرە لە هاوڵاتیەیل داد لە گرانی نرخ گووشت کەن ک تەواوکەر بەرزبۊین نرخ گووشت چەرمگ وخا کەێد، ئۊیشن وەزارەت کشاوەرزی شکستخواردگە لە نواگردن گرانی نرخ ک نەدارەیل بی دەسڵاتن وەرانوەری.   

هاووڵاتی موستەفا محەمەد وە ئاژانس شەفەق نیوز وت: " نرخەیل وە وەردەوامی ها لە بەرزەوبۊین لەماوەی ئی چەن مانگ کەم گوزەشتەیە" باسکرد، " شمارەی فرەیگ لە هاووڵاتیەیل خوەیان لە گووشت سەنین دۊرەو کردنە لەوەر گرانیەگەی ئیسە گووشت چەرمگیش هەم بەرزەوبۊیە".    

محەمەد باسکرد، "وەزارەت کشتوکاڵ شکست هاورد لە سنووردارکردن گرانی نرخ گووشت چ سوور و چرمگ و تەنانەت وەروبووم کشاوەرزیش"، دووپاتکرد" بەرزەوبۊین نرخ لە وەرز جەژن قوربان وەردەوامە و نرخەیل هانە بەرزەوبۊین وەبی وسیان یا ئارامگردن".   

و داڵگ ئەحمەد ئۊیشد؛ " سەنین گووشت سوور ئەرایان بۊیە جۊر چشتیگ لاوەکی" و داوا لە رێکخەرەیل کرد ک "دەسوەردان بکەن و نواگیری بکەن لە بەرزەوبۊین ئەو نرخەیلە جۊر گوزەشتە". 

داڵگ  ئەحمە ک ژن ماڵە وت: فرەیگ لە خێزانەیل دەسکردنە وە سەنین گووشت سوور هاوردەکریای و سفتکریاگ چۊینکە نرخەگەی هەرزانە" و باسکرد " ئەو گووشتەیلە دیارنییە بەرهەم کاملاس وە تەواوی  و جۊر ئی گوشتە ئاشکەرا نییە".   

کشاوەرزی: کاغەز چەرمگ   وەزارەت کشتوکاڵ عراق دووپاتکرد ک لە ئەنجام سیاسەت دەوڵەت لە "کاغەز چەرمگ" گشت پشتگیریی لە خوەراکی وسانییە.   

حەمید ئەلنایف، قسەکەر وەزارەتەگە وە شەفەق نیوز ڕاگەیان: "وەزارەت پاڵپشتی  ئەرا خوەراک وسانیە، چ گەنمەشامی زەرد بوود یان جۊیە و گشت چشتەیل پەلەوەر و ئاژەڵداریەیل بوود" و دیاریکرد، "یە بەشیگە لە سیاسەت کاغەز چەمگ دەوڵەت لە رۊی جۊلە وەرەو ئابووری بازاڕ و کەمکردن پشتبەسین وە دەوڵەت"   

ئه‌لنایف باسکرد ک " ئیوەتکەرەیل  مەڕوماڵات ئەرا سەنین ئی  خواردنە وەرەو بازاڕە ناوخوەیەیلە چن ک یە وە نۆبەت کریەد لە پسای دابینکردن و داواکارییە ک فرەجار فرە گرانە و دیاری کرد" نرخ لەوەڕ لە عراق پەسەنکریایە وە بەراورد وڵاتەیل هاوسا.   

نایف دیاری ئەوە کرد: " "گشت نرخەیل جەهان و وەتایبەت خوەراک بەرزەوبۊیە دۊیای ئەوەی ک کۆرۆنا و ئابووری تۊیش وڵاتەیل هاوردن، باوجی هاوڵاتیەیل عراق ئەو هۊیرە قبوڵ نێەکەن و هەمیشە داوای پشگیری دەوڵەت کەن ئەرا گشت بەرهەمەێل" 

 لەمەوقەی داوەزین نرخ دینار عراقی  وەرانوەر دۆلار لە دۊیادۊیای ساڵ گوزەشته‌ نرخ خوەراک بەرزوبۊیە .