ئوتومبێل "هاڤال H6" تازه له پايته‌خت هه‌رێم كوردستان
شه‌فه‌ق نيوز/ وه ئاماده‌بوين باليۆز كۆمار چين له هه‌رێم كوردستان عراق و نوێنه‌ر پاريزگار هه‌ولێر و لايه‌نه‌يل و كومپانيايه‌يل و وه‌ڕيه‌وبه‌ر جيوه‌جيكار كۆمپانياى نه‌هج ئه‌لعراق، و شماره‌يگ له گرنگيده‌ر وه جه‌هان ئۆتۆمبێله‌يل و وه به‌شدارى تيم فۆلكلۆرى دهۆك، كومپانياى نه‌هج ئه‌لعراق له‌ى دوياخره ئوتومبێل "هاڤال H6" تازه خسته‌ڕوێ له هه‌ولێر له نيشانه‌يل بازرگانى "هاڤال".
ئى ئۆتۆمبيله تايبه‌تمه‌نديه‌يل تاوه‌يگ ديرێد جوور ماركه‌يل جه‌هانى له‌ڕوێ قايمى و ته‌كنۆلۆجياى وه‌كاربرياێ له دروسكرن ئۆتۆمبێله‌يل تازه، ئمجا دوياى ده‌ركردن "هاڤال H6" له به‌غدا و به‌سره، له هه‌ولێر پايه‌تخت هه‌رێم كوردستانيش كه‌فته ده‌يشت، ئه‌ويش له‌وه‌ر گرنگى شاره‌گه‌و گه‌شه‌كردن ئابوورى و بازرگانى و سه‌قامگيرى بارودخ ئه‌منى.
له‌ى باوه‌تيشه‌و، نوێنه‌ر پاريزگار هه‌ولێر له وته‌يگى ئاماده‌گى پاريزگاگه ده‌رخست له‌وه‌ر ئاسانكارى ئه‌را گشت كۆمپانيايه‌يل بيگانه له هه‌ولێر و له‌گشت بواره‌يل و له هه‌مان وه‌خت باليۆز گشتى كۆمار چين مللييش له هه‌رێم كوردستان عراق جه‌خت له‌وه كرد ك ده‌ركردن ئى ئۆتۆمبێل تازه‌ى چينيه گاميگه وه‌ره‌و خاستر و هانداين كومپانيايه‌يل چينى ئه‌را وه‌به‌رهاوردن له كوردستان عراق.
كومپانياى (Great Wall Motors) چينى كار له به‌رهه‌مهاوردن ئۆتۆمبێل ئه‌كا، شيواز تازه‌يش بڕيگ تايبه‌تمه‌نديه‌يل تازه ديرێد و شيواز "ئێتش 6" قوه‌تيگ گه‌وراتر و فراوانتر و ئاست به‌رزيگ له سه‌ڵامه‌تى ديرێد و يه‌كيگه له‌و ئۆتۆمبێله‌يل تازه ئه‌را فريه چشت ئه‌يه‌ريه‌ێده كار و ئۆتۆمبێل هاڤاليش ره‌واجى له فرووشتن فيشتره له‌وه‌ر چه‌ن هووكاريگ، له‌وانه‌يش: قوه‌ت و قايمى.
ئۆتۆمبێل "هاڤال H6" پشت وه سيستم CTA ئه‌وه‌سێد، يا ناسرياگه وه سيستم وشدارى جانبى له‌وه‌خت وه‌ره‌و دوياچگن، ئمجا وه پشتبه‌سانن وه حه‌ساسه‌يل رادارى ئه‌و سيستمه ده‌س ئه‌كاده وێنه‌گرتن ئۆتۆمبێله‌يل جموجويلكه‌ر وه‌هه‌ردوگ لاوه له‌وه‌ختيگ ك وه‌ره‌و دويا رێ ئه‌كا، هه‌ر وه‌و خاتريشه له‌وه‌خت وجوود هه‌ر خه‌تيگ ئه‌و سيستمه وشداريه ئاگادارى رووشنايى و ده‌نگى ئه‌ياده شوفێره‌گه ئه‌را ئه‌وه‌گ وشدار بدێ له وجوود ئۆتۆمبێل له‌لاى راس يا چه‌پ له دوياوه، يه‌يش نسبه‌ى ئه‌مان و سه‌ڵامه‌تى فريه‌يگ ئه‌را ئۆتۆميله تازه‌گه ده‌سه‌وه‌ر ئه‌كا.
وه‌ل ئه‌وه‌يشا سيستم LDW ديرێد ك يه‌يش ناسرياگه وه سيستم وشدارى له‌وه‌خت چگن و ريكردن له‌بان جاده و ئاگادارى ئه‌ياده شوفێره‌گه له حاڵه‌ت پيچه‌وكردن رێ يا سايد تايبه‌ت له‌بان رێ، ك له‌ى حاڵه‌ته وه ده‌نگ ئاگادار شوفێره‌گه ئه‌كا تا بايده‌و ئه‌را بان رێ دروس و سه‌ڵامه‌تى.
