هەڵمەتەیل "گووشتەیل خراو".. بەسانن 3 دوکان و لەناوبردن 30کگم گوشت لە رەمادی
2026-09-21T09:05:58+00:00
شەفەق نیوز ـ ئەنبار
بەش چەودێری تەندروسی لە بەش تەندروسی گشتی فەرمانگەی تەندروسی ئەنبار، ئمڕوو یەکشەممە، بەسانن سێ دووکان سەرپیچار و لەناوبردن 30 کیلوگرام گووشت نەپوڕیاگ وەکارهاوردن ئایەم راگەیان.
بەشەگە لە بەیاننامەیگ رەسیە ئاژانس شەفەق نیوز وت، تیمەیل چەودێری گەشتیگ مەیدانی ئەنجامدان ئەرا وەدویاچگن ئاست پابەندبوین دووکانەیل و چێشتخانە و دامەزرێنەرەیل خوەکی وە تەمەیل تەندروسی، لە ئەنجام دوو دوکان گووشت فرزوشی و چێشتخانەیگ و فڕنیگ سەموون بەسیا لەوەر پابەند نەوین وە داواکاریەیل تەندروسی.
وتیش؛ تیمەگە 30کگم گووشت نەپوڕیاگ وەکارهاوردن ئایەم لەناوبردیە، و غەرامەی دارایی دریارە بان سەرپیچیکەرەیل و رێکار یاسایی هەوەجەکریاگ وەرگیریاس.
هەڵمەتەگە لە ئەنجام دۆسەی فرووشتن گووشت گوزار هات وە ناوەی گووشت پەس، لە سەرەتای مانگ ئەیلول لە پارێزگای نەجەف.
