ژنیگ وە چەقوو دەێد لە گەنجیگ دۊای ریگری لە ماشینەگەی لە کەرکووک

شەفەق نیوز - کەرکووک

سەرچەوەیگ ئەمنی، رووژ چوارشەممە، خەوەردا کە ژنیگ وە وە چەقوو دەێد لە رانندەی گەنجیگ، دۊای ئەوەگ وە ماشین خوەی ری لەلی بڕێد لە جادەی "حسابات" لە ناوڕاس شار کەرکووک.

 سەرچەوەگە ئەرا ئاژانس شەفەق نیوز وت، کە هێزە ئەمنییەیل تۊنستن ژنەگە دەسگیر بکەن دۊای ئەوەگ ماشینەگەی مەوقەی تەقەلای واین وە تونی لە شوین رۊداوەگە پلیا.

 وتیش کە رۊداوەگە لەبان مدوو ناکۆکی و کیشەیل کۆمەڵایەتی لە ناوەین هەردگ لایەنەگە رۊ دایە، و دیاری کرد کە ئەوەگ رەوش تەندروسی گەنجەگە جیگیر نییە، لە وەختیگ هێزە ئەمنییەیل لێکۆڵینەوەیگ واز کردن ئەرا زانستن هۊردەکاری و مدووەیل رۊداوەگە.