مه‌سه‌له‌ی گله‌وخواردن به‌عسیه‌یل
شه‌ش ساڵ زیاتر له‌كوتاییهاتن ده‌سه‌ڵاتیان هیمانی عراق باج سیاسه‌ته چه‌فت و شه‌ڕخوازانه‌گه‌یان ده‌یگه‌و؛ چ جورلایه‌ن ماددی ك هیمانی ملیونان دولارقه‌رد له‌لای عراق مه‌نگه وسالانه بایه‌د بیه‌یگه‌یانه‌وله‌هه‌مان وه‌ختیش جاریگ شیونه‌وارسیاسه‌ته‌یل نگریس ئه‌وڕژیمه نه‌سڕیاگه‌سه‌و له‌ی شه‌ش سال گوزه‌یشته ژماره‌یگ له به‌عسیه‌یل تاوانباروه‌ده‌س مه‌ردم سته‌م دیده‌و كوڕكوژیاگ ناوچه‌یل عه‌ره‌ب نشین كوژیانه وهه‌زاران تریان ئاواره‌ی ولاته‌یل ئه‌وروپی ئه‌وروپی وعه‌ره‌بی بیونه . تائیسه‌یش ده‌س ودیو به‌عسیه‌یل له‌ی ولاته جموجیول كه‌یگ ؛ سه‌دان نه‌فه‌ریان وه‌دزیه‌وچینه‌سه ناوده‌زگاگان حكومه‌تی ؛له‌ده‌یان كه‌نال جور په‌رله‌مان وحكومه‌ت له‌وه‌راوه‌رهه‌رگامیگ وسن ك عراق وه‌ره‌ودیموكراسی بوه‌یگ و سیاسه‌ت شوفینیانه‌ی ئه‌و حزبه له ناودل به‌ش فه‌ره‌یگ له‌مه‌ردم گه‌را داناس وله ناوهه‌رحزب وجه‌بهه‌یگ بوون نیه‌تیوه‌نن ده‌سبه‌ردار عه‌قل به‌عسیانه‌یان بوون . ئه‌لاجه‌یوهاله‌وره ماوه‌ی فه‌ره‌یگه گوشاریگ فه‌ره كریه‌یگه بان ئه‌وده‌نگه‌یله ك نارازین به‌عس بایگه‌و ئه‌را ناوژیان سیاسی ؛ چیونكه دلنیان له‌وه‌گ سته‌مه عه‌قلیه‌ت وهیوركردنیان ئالشت بووگ . ئیمه‌ی كورد له گشت زیاترده‌رك وه‌و ڕاسیه ودروسیه كه‌یم ك بایه‌د وه‌شیوه‌ی وه‌رده‌وام پشت وه‌راسیه میژوویه‌گان بوه‌سریه‌یگ ئه‌راسابت كردن قسه‌گانمان . له‌شیون ئه‌وه‌گ له ٨ شوبات ١٩٦٣ عه‌بدولسه‌لام عارف وه‌هاوكاری به‌عسیه‌گان كوتایی هاورده ده‌سه‌لات عه‌بدولكه‌ریم قاسم و وه‌یه‌كه‌وه ماوه‌یگ ده‌سه‌لات عراق وه‌ڕیه‌وبردن وفه‌ره وه‌پی نه‌چی عه‌بدولسه‌لام هه‌س یائحساس وه‌خه‌ته‌ربه‌عسیه‌یل كرد . له‌لایگتره‌و له ١١ تشرین دیوم ١٩٦٣ سه‌ركردایه‌تی حزب به‌عس له عراق دانیشتنیگ نائاسایی به‌رپاكرد وله‌و دانیشتنه ئه‌حمه‌د حه‌سه‌ن لبه‌كرجورسكرتیرگشتی حزب ده‌سنیشان كریاوعه‌لی سالح سه‌عدی وهاوریه‌گانی له حزبه‌گه ده‌ركریان وئاواره‌ی مه‌درید پایته‌خت ئسپانیه بیون .سه‌عدی له مه‌دریده‌وه به‌كرو به‌عسیه‌یل وعارف وه‌پیاوئه‌مریكا له‌قه‌له‌مدا ك گوایه وه‌شه‌مه‌نده‌فه‌رئه‌مریكا هاتنه‌سه بان ده‌سه‌لات عراق ؛ له ١٤ هه‌مان مانگ میشیل عه‌فله‌ق له شیون دانیشتنیگ وه‌په‌له سه‌ركردایه‌تی قوتری عراق هه‌لوه‌شانه‌و خوه‌ی سه‌ركردایه‌تی قه‌ومی حزب به‌عس گرده ده‌س . ئی جموجیول به‌عسیه‌یله ترس وگومانه‌گان عه‌بدولسه‌لام عارف زیاتركرد ؛ هه‌روه‌ی خاتره له ١٧ ی ئه‌ومانگه حكومه‌تیگ وه‌ختی له عراق پیكهاتیوگ ك پوست یامه‌نسه‌ب سه‌روك ئه‌نجومه‌ن وه‌زیره‌یل و وه‌زیرداخلیه‌گه‌ی دریایوگه به‌كروه‌لی عارف له ١٨ مانگ یه‌عنی ته‌نیا روژیگ له‌شیون پیكهاتن ئه‌وحكومه‌ته كه‌فته ویزه‌ی به‌عسیه‌یل وپاكتاوكردنیان وه‌تایبه‌ت باله‌گه‌ی عه‌لی سالح سه‌عدی ؛ عارف خوه‌ی جورسه‌روك كومارده‌سه‌لات راسه‌وخو گرده ده‌س وبه‌كریش جوركابرایگ بی ده‌سه‌لات كرده جیگرخوه‌ی له شیون ئه‌وه گ گشت هاوریه‌یلی ته‌رفوتیوناكرد ؛ به‌كرخاس زانست ك هیوچ ده‌سه‌لاتیگ نه‌یری وهه‌روه‌ی خاتره له‌شیون ماوه‌یگ ده‌س له‌كاركیشاو ئه‌وه‌قه‌ره وه‌پی نه‌چی خستنه‌ی زندان . دی له ١٨/١١/١٩٦٣ تا ١٧ته‌موزسال ١٩٦٨ ده‌سه‌لاتیان له‌عراق نه‌مه‌ن ؛ راسیه‌گه‌ی ئه‌وه‌سه ئیمه جوركورد له وه‌خت دیوره‌و خستن به‌عسیه‌یل تا وه‌خت هاتنه‌وه‌یان ئه‌را ده‌سه‌لات ودیواتریش ده‌یان جارئه‌زمون یاته‌جروبه وه‌ل به‌عس داشتیمه ك هه‌رچه‌ن دونیایگ له شه‌رو دوژمنكاری وه‌لیان داشتیمه وه‌لی ناچاربیومنه هه‌روه‌لیان دانیشیم ؛ وه‌لی گشت جاریگ په‌شیمانی له‌شیونی بیوه ؛ دلنیایم ئه‌گه‌رئیجاره‌یش بیلیم بانه‌وئه‌راناو ژیان سیاسی له‌عراق هه‌ر هه‌مان به‌عسیه‌یله‌نه ك له ١٩٦٨ ده‌سه‌لات له‌عراق گرده‌ده‌س . هه‌رچه‌ن ئه‌مریكا فه‌ره هاته‌ما وه‌گه‌ره‌نتی یازه‌مانه‌ت به‌شداریان بكه‌یگ له پروسه‌ی سیاسی وقه‌ناعه‌ت وه‌كورد ولایه‌نه‌یل ئسلامی شیعه بكه‌یگ ك چه‌وپوشی له‌و میژوو قیزه‌وه‌ن به‌عسیه‌یله بكه‌ن ولاپه‌ره‌یگ تازه وازبكه‌ن وه‌لی میژوو یاتاریخ ئی ولاته ئه‌و راسیه سابت كردگه ك هیوچ ئه‌گه‌ریگ ئه‌را گیوریان به‌عس له ئارا نیه.
