لە یاد کۆچکردن ئیدریس بارزانی برادەر و پشت هەژارەگان
![لە یاد کۆچکردن ئیدریس بارزانی برادەر و پشت هەژارەگان](https://media.shafaq.com/media/arcella/1612193033323.jpg)
یونس حەمەد/ لە سی و یەک لە مانگ کانون دوویەم لە ساڵ ١٩٨٧، واتە وەرجە سی و چوار ساڵ، جەنگاوەر ئیدریس بارزانی لەوەر نۆرە دڵیگ، جهانەگەمان هیشتە جی، وشوونیگ سیاسی و نیشتمانی بەرزیگ و سومبلیگ ئەرا خەبات لە هوریمان و ویژدانمان وەردەوام بوی.
لە زمسان ١٩٨٧ ، ئەو رووژەیلە لەبان گەل کورد فرە سەخت بوین، ک گەلەگە یەکیگ له سومبلەگانی و یەکیگ لە ئەفسانەگانی لەدەسی چگ، لە وەخت سەختیگ لە شۆڕش کورد دژ وە ستەمکاری.
کەشوهەوا سیاسیەگان ئەو مەوقە فرە سەخت بوین، لەسای جەنگ عراق و ئیران، ک رژیمەگە لەو وەختە گشت تەقەلای ئەرا لەناوبردن بزووتنەوەی کوردی دیاد، وەتایبەت لەناوبردن پارت دیموکرات کوردستان، ک داخوازیهێل راستەقینە ئەرا باوەت سەردەمیانهێ کورد داشت.
وەرجە چەن ساڵیگ لە کۆچکردن خەباتکار ئیدریس بارزانی، رژیم بەغداد جینۆسایدیگ دژ وە بارزانییەگان لە کامپەیل قۆشتەپە و حەریر و بەحرەکە کرد، و وەرجە ئەوە جینۆساید و بارکردن کوردە فەیلیەگان وە دەسپیچکەیل درووکانییگ.
ئەوە یەکەم گام بوی لە پیلان لەناوبردن کورد و بزووتنەوەیل ئازادیخوازەیلیان، دویای ئی شکستەیلە، بزووتنەوەی کوردی لەو وەختە لە رەوش خراویگ بوی، دویای کۆچکردن ئیدریس بارزانی، نەهامەتیەگە زیاترەو بوی، نەک تەنیا لەناو پێشمەرگە یا ئاوارەگان، بەڵکم لە گشت شارەیل کوردستان و کوردەیل لە جهان، ک رووژەیل فرە سەختیگ لەی سەردەمە لەنوای کورد و بزووتنەوە شۆڕشیەگانی بوین.
ئیدریس بارزانی سومبلیگ خەباتکارانە و سومبلیگ ئەرا ئاشتی و خوەشەویستی بوی، و فرە لە پێشمەرگە و ئاوارەگان نزیک بوی، ک دویای شکست ئەیلوول رەفتار وەگەرد شیوەیل ژیان و گوزەرانییان کردیاد، و دەسی لە دەسمیەتییان وهەر شیوەیگ واز بوی، و ئەوەسا کارە گەوراگانی مینێدە هویرمان ئەو کەسەیلە ک لەو وەختە لە کوێە و شارەگان بوینە، یا لە ئاوارەیی.
ئیدریس بارزانی ئەندازیار راستەقینەیگ بوی ئەرا رێککەفتن حزبە کوردیەگان لە یەکگردن رزەیلیان لە بەرەی کوردستانی، و ئی ئەنجام ئاشتەوبوین مێژووییە، ئاشتیەگە لەناونی حزبە کوردیەگان بتەو کرد، ک خوەی بڕوانامەیگە لەبان دبلۆماسیەت بوێر و بۆچوون رەحمەتی ئیدریس بارزانی، و ئەو ئازاییە لە کیشانن ری نوویگ ئەرا بەرەی کوردی چەسپانن شۆڕشەگە دژوە دیکتاتۆریەت، وەرگردن مافە یاساییە شەرعیەگان ئەرا کورد.
کوردستان و نەتەوەگە پیاویگ لەدەس دان ک شایستەی رێزگردنە، یادە خوەشەگەی هالە دەروین گشت کوردستانی دڵسوزیگ ئەرا خاکەگەی، بەڵی، وەرجە سی و چوار ساڵ پیاویگ کۆچ کرد ک خوەشی لە گەلەگەی هات،و گەلەگە دووسیەگە وە دووسی وەڵام دا، هەر لە سەرەتای گەنجی ژیان خوەی ئەرا خزمەت ئی خاکە و کەلەگەی تەرخان کرد، ک خاکە و کەلەگە هەمیش خوەشیان لەلی هات.