‏لاوردن سەرۆک دوو لیژنە لە ئەنجومەن پارێزگای دیالی وە مدوو "لێکۆڵینەوە"

شەفەق نیوز ـ دیالی

‏سەرچەوەیگ ئاگادار، ئمڕوو یەکشەممە، خەوەر دا لە لاوردن سەرۆک دوو لیژنە لە ئەنجومەن پارێزگای دیالی، وە مدوو ئەوەگ لیژنەی لێکۆڵینەوە  ئەڕایان درووسکریایە.

‏سەرچەوەگە ئەرا ئاژانس شەفەق نیوز وت: ئەنجومەن پارێزگای دیالی بڕیار دا وە لاوردن سەرۆک لیژنەی پەروەردە (دەریا خیرولڵا) و سەرۆک لیژنەی وزە (فارس جبوری) لە سەرۆکایەتی لیژنەیل و ئەندامێتی گشت لیژنەیل لە ئەنجومەنەگە.

‏دیاریکرد  "بڕیارەگە وە مدوو  ئەو لیژنە لێکۆڵینەوە دەرچیگە کە ئەڕایان درووسکریایە لە ئەنجام سووکایەتیکردن وە ئەنجومەنەگە و بڕیگ لە ئەندامەیل لە لێدوان و نووسینەیل گوزەشتەیان".