كوليج په‌روه‌رده‌ ئيبن رووشد ساڵياد ڕووژنامه‌گه‌ری كوردی پيرووز كرد

نويسه‌ره‌يل و ڕووژنامه‌نويسه‌يل و خويندكاره‌يل زانكۆی به‌غدا ، ئمروو شه‌وه‌كی له‌ كوليج په‌روه‌رده‌ ئيبن رووشد كۆريگ ئه‌را دكتۆر ئسماعيل ئيبراهيم له‌ژير ناونيشان (ميدان ڕووژنامه‌گه‌ری كوردی وه‌ چه‌رخانيگ تاريخی وه‌رو نوه‌وبوين ) ڕێكخريا .له‌سه‌رتای كۆره‌گه‌ ئسماعيل ئيبراهيم كورته‌ باسيگ له‌ سه‌ر تاريخ دامه‌زرانن يه‌كمين ڕووژنامه‌ی كوردی له‌ قاهيره‌ پايته‌خت مسرو نه‌خش به‌درخانييه‌گان پيشكه‌ش كرد و نه‌خش خێزان به‌درخانی به‌رز نرخاند . له‌شوونيش ئشاره‌ت كرده‌ گرنگی ئه‌و ‌رووژه‌ ئه‌را ملله‌ت كورد له‌روی گه‌شه‌ وه‌پی داين فكری و ڕووشه‌نهويری و سياسی. وه‌ سه‌به‌ب ده‌رچگن يه‌كمين ڕووژنامه‌ی كوردی له‌ ده‌يشت وڵات برده‌و ئه‌را ئه‌و سياسه‌ت نادادوه‌رانه‌ ك دوڵه‌ت عوسمانی له‌وه‌راوه‌ر ملله‌ت كورد پيره‌وی كرد . شايان باسه‌ وه‌فديگ سه‌روه‌ ده‌زگای ڕووشه‌نهويری و رايگه‌ياندن كورد فه‌يلی شه‌فه‌ق ئاماده‌ی كۆره‌گه‌ بوين .