كوردهیل فهیلى كهفتنهوهر تاوان لهناوبردن وهجهم...لهیه زیاتر دى چه؟
![كوردهیل فهیلى كهفتنهوهر تاوان لهناوبردن وهجهم...لهیه زیاتر دى چه؟](https://media.shafaq.com/media/archive/files/Archive.jpg)
فهیلى وه دهركردن بڕیاره تاریخیهگهى، وه ئهوه ئهو تاوانهیل ئنسانیه ك هاته تویش كوردهیل فهیلى وهك لهناوبردن وهجهم لهلایهن دهوڵهت عراقیهوه لهماوهى دهسڵات رژیم رمیاگ، لهیرایش ههوهجه وه هویرهكردن فرهیگ نهیریم تا ئاشكراى ههق هاووڵاتیهیل كورد فهیلى بكهیم و بایهسه ئى خاڵهیله لهوهرچهو بگیریهیگ تا گشت ئهوانهك لهمهیدان ههقهیل ئادهمیزاد كار كهن ئى چشتهیله بزانن:
* دهوڵهت عراقى كوردهیل فهیلى كوشت و له تاقیگاى كیمیاوى هاوردهیان كار و گیان پاكیان وه مین یا لوغم تهقانهوه له بهره یا جهبههیل جهنگ و جویر قهڵغان لهوهخت جهنگ وهل ئیرانا خستهیانه نواو تویش حاڵهت دهروینى هاتن.
* دهوڵهت عراقى ههق هاووڵاتیبوین له كوردهیل فهیلى سهندهوه ههر لهشوناسنامه بگر تا رهسیه گشت بهڵگهیل قانوونیه.
* دهوڵهت عراقى ههرچى ماڵ و موڵك كوردهیل فهیلیه گشتى زهفتكرد وه ناههق و خستهیانه ژیر مهینهت ئابووریهوه.
* دهوڵهت عراقى هاووڵاتیهیل فهیلى بیبهش كرد له وهزیفهیل گشتى له دهوڵهت و له باقى هاووڵاتیهیل تر جیایانهو كرد.
* دهوڵهت عراقى جیا له خیزانهیل تر، گشت خیزانهیل فهیلى تهرفتوین كرد.
* دهوڵهت عراقى هووز و تیرهیل فهیلى گرته نیشان وهگشتى.
* دهوڵهت عراقى فهیلیهیل بیبهش كرد له تهواوكردن خوهندن سهرهتایى و خوهندن باڵا له زانكۆ یا جامعهیل عراقى.
* دهوڵهت عراقى كوردهیل فهیلى دویرهو خست لهماڵ و خاك و كارخانهو سهرچهوهى درامهتیان و گشت دایارییگیان خسته گهنجینه یا خهزینهى خوهیهوه.
* دهوڵهت عراقى لهیوا ترس برده دڵ فهیلیهیل و ئاوارهیان كرد، تائیسهیش لهلیان ههس ترسیهن بانهوه ئهرا وڵات خوهیان.
* دهوڵهت عراقى كهفته گیان هاووڵاتیهیل فهیلى له بازرگان و پیشهساز له ناوخود عراق و كهفتنه وهر ههڕهشهى دویرهوخستن لهوڵات و زندانى و لهسێدارهداین.
* هاووڵاتیهیل عراقى له كوردهیل فهیلى تا ئیسهیش ئاوارهن له پهڕهى شارهیل و له ئۆردگایهیل وه شوناسنامهى سهوز بى ئههمیهتهوه.
بهڵى ئهیه كهمیگه لهو فرهیله، وهلى ئایا چوین قهدر و حورمهت هاووڵاتیهیل عراقى له كوردهیل فهیلى بایگهوه؟ ئهیه ئهو پرسیارهسه ك ئهگهر یا ئحتمال دویاخستن جواوداین نهیریگ. بیگومان حكوومهت یهكێتى و دیموكراسى عراق لهشوون بڕیار ئازایانهى دادگاى باڵاى تاوانهیل، پیشنیار ئهوه كرد دهسهیگ له قانوونیهیل و دادوهر و چالاكمهنهیل ههق ئادهمیزاد لهعراقیهیل و شارهزایهیل ناودهوڵهتى دامهزرنیگ و كۆنگرهیگ ناودهوڵهتى ساز بكریهیگ وهگوورهى قانوونهیل نیشتمانى و ههرێمى و لیستیگ دیارى بكریهیگ و گشت ههقهیل و قهرهبوو یا تهعویزهیل قانوونى و پویلى و گیانى و كوومهڵایهتى و ئابوورى و دهروینى و زانستى ئهرا هاووڵاتیهیل عراقى له كوردهیل فهیلى لهتى دهسنیشان بكریهیگ و ههقهیلیان زامن بكریهیگ تا جاریگتر زوڵم له هویچ هاووڵاتییگ عراقى نهكریهیگ.