سه‌رۆك ئه‌نجوومه‌ن وه‌ڕيه‌وبردن ده‌زگای شه‌فه‌ق پيروزبايی له ڕووژنامه‌نويسه‌يل ئه‌كا
قاهره يه‌كمين موم له داڵگ بوين ڕووژنامه‌گه‌رى كوردى ده‌م دان و ئه‌و ڕووژنامه بويه بنه‌ماى دامه‌زرانن ميدياى ئازاد كوردى ئه‌را ڕه‌سانن ده‌نگ كپه‌و كرياگ ملله‌ت كورد وه‌جه‌هان ؛ وه‌ى بوونه‌وه وه‌ناو خوه‌م وسه‌رجه‌م هاوكاره‌يلم له ده‌زگاى ڕه‌سانن و ڕووشنهويری شه‌فه‌ق كورده‌يل فه‌يلى گه‌رمترين پيروزبايى و ڕه‌ينترين چه‌پكه گوڵه‌يل وه‌هارى پێشكه‌ش كه‌مه ڕووژنامه‌نويسه‌يل كوردو سه‌رجه‌م قه‌ڵه‌مه‌يل ئازاد ك وه‌رگرى له ئازادى و كه‌رامه‌ت ئنسانى كه‌ن ؛ هه‌روه‌ى بوونه‌وه سه‌ر ڕێزو نه‌وازش ئه‌را بنه‌ماڵه‌ى به‌درخانيه‌گان و گشت ئه‌و ڕووژنامه نويسه‌يل هاوزوانمانه چه‌منيم ك وه‌قه‌ڵه‌مه‌يليان كورد وه‌ملله‌ته‌يل جه‌هان ناسانن يا له سه‌نگه‌ر وه‌رگری له ئازادى وديموكراتى گيانيان كردنه قوربانى نه‌ته‌وه و خاك پيرۆز كوردستان ؛ جاريگترعه‌يد ڕووژنامه نويسى كوردى له گشت لايگمان موباره‌ك بوود .
عه‌لى حوسێن فه‌يلى
سه‌روك ئه‌نجوومه‌ن وه‌ڕيه‌وبردن ده‌زگاى شه‌فه‌ق
