رووژ شەهید فەیلی.. پەیمانەیل نووەو کەیمن
عەبۆولخالق فەلاح/ لەی رووژویلە وەگشت زیانیگ ساڵیاد چل و یەکەمین نەهامەتییک کەیمن ک دڵەیل خوینالی کەن ئەرا ئەو گەنجەیلە ک وەبی هیچ گوناحیگ وەدەس بەعس کوشیان دویای دویرەوخستنیان لە خیزانەیلیان، تا بیسەروشوون کریان وهیمان خیزانەیلیان ژیان لە دەسناین لەبان دارایی وماڵدارییان و مافە یاساییکانیان وەخوەیان دوینن.
رووژ شەهید ئەو رووژەسە ک یاد ئەوانە کەیمن ک ری ئازادی وەخوین پیرووز خوەیان سازین، و بایەدە لەو ئازایی ئەوانە وەربگریمن ک گیان خوەیان کردنە مەشخەڵ تا ری ئەرا نەوەکان رووشن بکەن، ومێژووییان بویە نموونەیل شانازی لەدووسی خاک و وەرگریکردن لەلی و هەمیشە نووەوکردن پەیمانەگە لە گشت قسەیگ وەی بۆنە ئووشیەێد.
باوەت شەهید و شەهیدبوین باوەتیگە ک نەتەوەی فەیلی وەشیوەیگ گرنگی داگە پی ک رێز لە پایەی قوربانی و فیداکاری کرد و ئاشکراکردن ستەمدیدەیان ک قەت ئەو فەرزەنەیلە ک خوین خوەیان پەخشینە یەک ووشەی حەق لە روی ستەمکاریک جوور بەعس تاوانکار لەەهویرەو نێەوەن.
