ته‌خت ده‌سه‌ڵات و وێرانه‌ێ وڵات
شه‌فه‌ق نيوز/ عراقيه‌يل گير خواردنه له‌ناونى ئاهه‌نگسازى وه رميان سه‌دام حسێن و پشتگوشخستنيان له‌ئاكام ئه‌وه‌گ رمانن رژيم وه‌ده‌س ئه‌مريكيه‌يل بويه نه‌ك عراقيه‌يل و ئه‌وه‌كيش دوياى ئه‌وه روێدا خراوتره له گوزه‌يشته، وه‌ل ئه‌وه‌يشا عه‌ره‌بيش حيره‌ت مه‌ندگه له‌عه‌ممان و قاهيره‌و ديمه‌شق و به‌يروت و جه‌زائير و سه‌نعا له‌ناونى ئه‌وه‌گ سه‌ركرده‌يگ عرووبى خزمه‌ته‌يل فريه‌يگ وه‌پيان پيشكه‌ش كرد و ناونى ديكتاتۆريگ ئه‌زيه‌ت ملله‌ته‌گه‌ێ دا وه‌رانوه‌ر ئه‌و خزمه‌ته‌يله و ناونى ئى راى و ئه‌و ڕاى وه دريژايى رووژگاريگ له 8 شوبات 1963 تا 9 نيسان 2003 زايينى، ئه‌و سه‌رده‌مه له رووژگار و رژێمه‌گه‌ى ك عه‌ره‌به‌يل ئه‌و پايته‌خته‌يله نه‌ناسينه‌ى وه‌ل فريه‌يگ له‌وانه‌گ هه‌ڵقونگه كرديان له‌شوون خواست و ئمتيازا كار وه‌ليا، سه‌رده‌ميگ ك رويداگ و ناخوه‌شيه‌يليگ گرته خوه‌ى وه‌ل جه‌نگ و له‌ناوبردن وه‌جه‌م سه‌دان هه‌زار كورد و عه‌ره‌ب و مه‌ردم له ئاينده‌ى خوه‌ش بيبه‌ش كرد و خسته‌يانه ده‌رياى زوڵمات و مليۆنه‌ها عه‌ره‌ب وه دروشمه‌يل په‌مه‌پى بيهووش كرد و نيشمانيگ چه‌سپياى ئه‌رايان نه‌خشان له ئوقيانۆس تا كه‌نداو، ك خاوه‌ن سه‌رده‌مه‌يل سيه يه‌كه‌مين يه‌كه‌ى به‌عسى وه‌رجه له‌دايگبونى خێرهاتن ئه‌كه‌ن له‌ناونى ديمه‌شق به‌عسى چه‌پڕه‌و و به‌غداى به‌عسى راسڕه‌ه‌و وه گووره‌ى ريكخستن ناونى يه‌كترييان.
درووزنه‌يل بازرگانيكه‌ره‌يل مزايده‌كه‌ره‌يل و ره‌نگ وه‌ڕه‌نگه‌يل و خراوه‌كاره‌يل، له كوه‌يته‌و پاريزگايگ عراقيه ئه‌را وه‌هه‌ڵه ناوبردن داگيركردنى و له دوشمن فارسى سه‌فه‌وى ئه‌را ئيران هاوساى ئه‌زيز و ده‌سگرتنى وه‌بان ده‌يان ته‌ياره‌يل عراقى و منافقه‌يل و له شه‌وه‌كيان وه‌ل سۆڤێت و شه‌ونشينى وه‌ل ئه‌مريكيه‌يل نه قه‌وڵ ديرن نه په‌يمان، وه‌ل كوردا ريككه‌فتن و خيانه‌ت له‌ليان كردن، وه‌ل شيوعيه‌يل و له‌ناويان بردن، وه‌ل قه‌وميه‌يل عه‌ره‌ب و سه‌روه‌خوه‌يه‌يل له‌شوون خوه‌يان تاواننه‌يانه‌و.
ده‌سكردنه كوشتن مناڵه‌يل كورپه‌و شيره‌خوه‌ر و ژن و پياگ، هه‌زاران كه‌س زينگ وه‌چاڵ كردن، خراوه‌كارى وه كليل غه‌ريزه‌يل كردن ئاده‌ميزاد وه ئايدۆلۆجياى مقه‌يه‌تيكرياى عيباده‌ت كرديان، سه‌رده‌ميگه ركابه‌رى له خراوى و خراوه‌كارى ناكريه‌ێد مه‌گه‌ر ئه‌و گه‌ناته‌كاره‌يل و دز و بكوشه‌يله ك دوياى ئه‌وان هاتنه عراق كردنه شكه‌ستترين ده‌وڵه‌تيگ له جه‌هان، ئه‌وانه چه‌ته‌يليگ بوين حوكم سه‌رده‌ميگ پيس كردن و تواستن عراق بكه‌نه ئاواييگ و ئه‌شره‌تيگ نه‌ك نيشتمان و ملله‌ت، ئه‌ويش جاريگ وه‌ناو عرووبه‌و جاريگ وه‌ناو سۆشياليست و جاريگيش وه‌ناو هه‌ڵمه‌ت ئيمانى ك حزب چه‌سپانن له‌بان گشت لايگ وه‌بى جياوازى هه‌ر له قوتابيه‌يل سه‌ره‌تايى تا زانكۆ و سه‌ربازه‌يل، هويچ خوه‌ندنگاو زانكۆ و وه‌زيفه‌يگ وه‌بى ته‌زكيه‌ى ئه‌وان نه‌وێ، ده‌زگاى سه‌ربازى و ئه‌منى ئالشت كردن ئه‌را ميليشياى تيرۆريستى، عراق بويه لقيگ له حزبه‌گه‌يان، ته‌نيا به‌ش كه‌ميگ له‌لى بترازيه‌ێد ك ئنتما ئه‌رايان ره‌ته‌و كردن و كه‌فتنه ناونى بيبه‌شى و ده‌ستگيركردن و كووچ وه‌پيكردن وه بوونه‌ى ره‌ته‌وكردن يا كاركردن وه‌ليانا له‌وه‌ر هه‌ر هووكاريگ، ئه‌و چه‌ته‌يله ده‌سه‌ڵات وڵات كه‌فته ده‌سيان و گشت كه‌سيگ ناچار ژير ياساو رينمايه‌يل خوه‌يان كردن و هه‌ناى ك ئحساسيش وه ئه‌وه كردن برێگ له‌ليان ياخيه ده‌سه‌و يه‌خه‌ى دژيان وسيان!.
ئمجا له‌ناونى خوه‌شى رميانيان يا دڵته‌نگى، ئى مێژوو خويناوى و شيوازيه، به‌ش سه‌دام ك له‌تى قه‌وڵ ئه‌وه‌دا عراق بكاده كۆمايگ خوڵ ئه‌را ئه‌وه‌گ ئه‌خوازێد له ته‌خت ده‌سه‌ڵات لاوێده‌ى و ئه‌وه‌گ روێدا له نيسان 2003 و تا رووژ ئمڕوو له عراق به‌عس و سه‌دام حسێن خاس زانێد له راسيه‌يل روخسار و ناونيشانه‌يل ك كار له‌ژير سايه‌ى كرد و له پشتيشى ريخرياگه‌يل بزووتنه‌وه‌و كه‌سايه‌يه‌تيه‌يليگ ك هيمان شه‌و و رووژ كار ئه‌كه‌ن له رمانن عراق و شكه‌سهاوردن وه هه‌ر هه‌وڵيگ ئه‌را ده‌رچگن له‌ه تونێل ئه‌و رژيمه !.
كيفاح مه‌حمود
