بەغدا.. دەسگیرکردن دز "پویل کویەنە" لە کەنیسەیگ
2026-08-16T11:34:33+00:00
شەفەق نیوز ـ بەغدا
سەرچەوەیگ لە ئاسایش، ئمڕوو یەکشەممە، خەوەر دا لە دەسگیرکردن کەسیگ کە پویل کویەنە لە کەنیسەیگ دزیە.
سەرچەوەگە ئەرا ئاژانس شەفەق نیوز وت، "هێزیگ ئاسایش لە پولیس رەسافە لە بەغدا، کەسیگ دەستگیر کرد کە پویلیگ کویەنە لە ناو کەنیسەی ئینجیلی ئەرمنی لە ناوچەی کەرادە دزیە".
دیاری کرد "دەسگیرکریاگە خڕیاسە زیندان و رێکارەیل یاسایی ئەرای وەرگیریایە".
