بیلنهى 9 مانگهگهى تهواو بكهید!!
![بیلنهى 9 مانگهگهى تهواو بكهید!!](https://media.shafaq.com/media/archive/files/Archive.jpg)
تهواو بكهید، ئهى پیاوهیل عیراق نوو بیلن 9 مانگ تهواو بكهید، ئیمه نیهتوایم حكوومهتهگهمان وه شهش یا ههفت مانگانى پهیا بوود، بهڵكوو توایمن 9 مانگ خوهى تهواو بكهید... ئهگهر پشوو یا عوتڵهى تاوسانه 3 مانگه و ئایهم دارا و دهوڵهمهن وه گهردش له جوانترین شوونهیل و شارهیل جههان بهیدهیانه سهر؛ خوو ئیوه ئى تایبهتمهندیه وه ئهوهزیهو بهینهى سهر، چوینكه ئیوه یه 7 مانگه گهردش ناوبهین پایتهختهیل و حاكمهیل كهین تا ڕهوایى یا شهرعیهت لهلیان وهربگرین، و زوورمى ئهو حاكمهیله خوهیان هویچ ڕهواییگ نهیرن، چوینكه بڕیگیان حوكم له باوگیان وه میراتى وهرگردنه، یا كوودهتا له بان باوگیان كردنه، له وهختیگ ك ئیوه وه شووڕش پهنجهیل وهنهوشهیى ههڵوژاریاینه ئهى سیاسهتمهدارهیلمان.. گهردش كهین و ڕجاو تكرا لهیاكهو ئهواكه كهین و گهرهنتى و ئاسانكارى ئابوورى و گهشت و گوزارى و سیاسى دهینه ئهى و ئهو و مللهتهگهى خوهدان له هویرهوبهین ك شایستهى ئهو ههمگه خهرجهسه ك ئیوه خهرجى كهین ك تهنیا خودا خوهى زانى چهنیگه له گهردشهیل دیسكهڤریانهى چالنجهریانهیلدان ك ههم خوهدان و ههم كهس و كارهدان بهشدارى لهتى كهین، له عهمان و ریاز و دیمهشق و تاران و ئهنقهرهوه تهپڵهى گووشهیلمان وه تهسریحهیل ئاگریندان كونا كهین... چمانى لهو بهغدا قاودریاینه ك تهنیا مهردمهگهى خوهى لهتى مهنیه... مینهى بهرهكهت له هاوسایهیل و ئهولاى هاوسایهیل كهین، و ئهو بهرهكهت ئادارى مللهتهگهى عیراق خوهدانه پشتگووش خهین، و لهو وڵاتهیل هاوساوه، خهریكین خهراو و ههڕهشه دهینیهكترى و یهكترى كهینه پهن و وهخیانهتكار یهكترى شمارهكهین، ئینجا تیهینهوهو و ئویشین (ئیمه حكوومهت هاوبهشى نیشتمانى توایمن)... وهلى ئیوه بایهسه بویشین (ئیمه حكوومهت هاوبهشى ههرێمى یا ئقلیمى توایمن)... قهت وه هویرم نیهتیهید ك كاندیدا یا مرشحى له بازنهى شارهوانى وڵاتیگ هاوسا هاتوید تا داواى قهبوول كردن لهلیمان بكهید، له هویرمیش نیه ك كاندیدایگ توركى یا ئیرانى یا عهرهبى، ئهرا پۆست بهڕێوهبهر گشتى له وهزارهتیگ هاتوى و جهور سهفهر ئهرا بهغدا كیشاوى تا ڕهزامهنى ئیوه گیربارى، ئهى دى ئیوه چهدانه لهیوا سهردهینه چادر و سیهماڵ و هووز و عهشرهتهیل؟، و قاسوود یا(مهندوبهیلیان) كل كهن ئهرا پیشوازى كردن لهلیدان، چمانى ئیوه نوێنهر مللهتیگ نین شمارهى 30 ملیۆن كهسه؟.. دى له لیدان داوا كهیمن ك بیلین 9 مانگهگهى تهواو بكهید، و ئیوهیش وه پشوو یا عوتڵهى 9 مانگانهى خوهدان خوهش گوزرانى بكهن، چوینكه پشوویگه وه مهعاش تهواویگ ئهرادان شماره كریهید و خهرج سهفهرهگهیشى له كیسهى شههرستانیه... پڕ دڵمان خوسهكردین و تویڕهمان كردین...وهلى یه خوسه و تویڕهیى دانایهیل نیه، بهڵكوو ئیوه مینینه ئهو پیاوه ك تواست خوسهبار ژنهگهى بكهید و هات خوهى له پیاوهتى خست...