بنهڕهت وشهى فهرهوود
![بنهڕهت وشهى فهرهوود](https://media.shafaq.com/media/archive/files/Archive.jpg)
كوشك گوڵهیل(قصر الزهور)، وهلى ههڵهپهڵهى بوى و سهیارهگهى كیشا تێل كارهبایگا له نزیك چهم خر لهسهعات یانزهو نیم شهو، یهكسهر كارهبا بڕیا لهقهسرهگه.... ئمجا شهوهكیهگهى ڕووژ 5 نیسان ههواڵ مردن مهلك غازى پهخشهو كریا ئهرا مللهت عراق ..... هیمان ههواڵهگه تهواو نهكریا مهردم وه غهزهبهوه ڕویكردنه سهفارهتخانهى بریتانى له شهواكهو دهسكردنه قسهكردن و تاوانباركردن نورى سهعید و سیخوڕهیل وڵات، ئمجا لهئهنجام ئهو غهزهوه ئهو بوى وهشكیانه گیان یههوودیهیل و گشت دوكانهیل شۆرجهو بازاڕ حهنوون و بازاڕهیل تر تاڵان كریاو دهسدریژى كریا بان جایهڵ جوانهیل یههوودو بیجگه ئهوهیش سهفارهتخانهى ئهڵمانیایش لهبهغدا دهسكرده چوكڵهچزى مهردم له دژ یههوودیهیل و هان مهردم دا ئهرا وهردهوامبوین دوشمنایهتیكردن. لهو وهخته خیزان شومیخ دویر نهوى له كویچهى تاترانهوه، دهمهو ئیواره هاته دهیشت ئهرا ئهوهك نان بسینیگ و دهنگ هاوار و قاڵهقاڵ مهردم ژنهفت ك سهربهرزى ئهرا مهلك غازى تواسیان و خراو دیانه نورى سهعید سیخوڕ ئنگلیز و لهعنهت كردیان له یههوود. دى ئهویش ههڵهپهڵه چیهوه ئهرا ماڵ و نهزانست چه ڕویداگه!! ئمجا وته هاوسا ماڵهگهیان ك مهلك غازى مردگهو دى هویچ یههوودییگ نهتویهنست له ماڵ بایگه دهیشت ك ههرچهنى دویر بوین لهو تاوانه، دى ئهوه بوى لهڕووژ 6 نیسان وه تهواوى گشت دوكانهیل شۆرجهو حهنوون و تاتران و هیتاویهیل سزیان، شومیخ لهناكاو ژنهفت و مهردم وتیان (یههوودیهیل بكوشن)، دویاى دو مانگ له 2 مایس ئهوه بوى ڕهشید عالى گهیلانى كودهتا یا ئنقلابیگ كرد لهدژ جینشین و نورى سهعید و پاڵ دا ئهو ئهفسهرهیل سوپاوه ك هاوكارى وهلیا كردن ئهرا پهكخستن دهستوور و تهئیكردن فهتوادهر قودس(میوان عراق) ئهمین حسهینى و هانداین سهفیر ئهڵمانى، ك ئهوه بوى وهل سهفیر ئهڵمانیا دانیشتنیگ ئهنجام داو ئهو جموجویله سهركهفت، ئمجا ئهو پهیامهیله ك خوهنیاوه لهوهخت جموجویل گهیلانى رهسیه 33 پهیام و یهیش نیگهرانى ئهرا یههوودیهیل لهلى كهفتهوهو سهرهتایگ بوى ئهرا كهمهوكردن یههوود، گشت ئهو هووكارهیله له مهترسى یههوودیهیل زیاى كردو ههرچهنى ههوڵ ئهوه دان بچنه بان كارهیییان، وهلى ههر وهختى یهكیگ لهلیان بچیاتاگه دهیشت تیر كوشتن خواردیاگ لهبان دهس موسڵمانهیل و هاتیاگهوه.
له رووژهیل دویهم و سێیم حوزهیران 1939 كارهسات دڵتهزنیگ دهرههق وهو بیتاوانهیله ڕویدا، ڕووژ یهكم 179 یههوودى كوشیان لهناونى كاسبكار و كارگهر و بازرگان و خاوهن دوكان، لهوهیش ناخوهشتر ئهوه بوى ك پیاویگ دینى موسڵمان ههر وه وهرچهو مهردمهوه مناڵیگ یههوودى كوشت له ناوچهى باب ئهلشێخ و دهس كردنه تاڵانكردن و دزى و نزیكهى 900 یههوودى كوشیاو هویچ فهتوایگیش دهرنهچى لهو باوهتهوه ئهرا حهرامكردن ئهو كوشتن و بڕینهو مهردم یههوودى وه تهبڕیپ ئهوهك لهلیان مهند گیان خوهى دهركرد و ئهو ڕووژهیله ناو نریا وه ههیواین و فهرهوود یههوودیهیل، ك حكوومهتیش دهخاڵهت لهو كاره نهكرد لهوهر خاتر مقهیهتیكردن له ماڵ و موڵك روڵهیل وڵات و سهدهها خیزان وه مناڵهیلیانهوه پهنا بردنه وهر پهرسگاو ماڵه هاوساو داواى ئهمان لهلیان كردن.