ئەو کەسە ک بویە پاڵپشت پێکەوەژیان
![ئەو کەسە ک بویە پاڵپشت پێکەوەژیان](https://media.shafaq.com/media/wjjfffkw/whatsapp-image-2020-06-04-at-15-49-48.jpeg)
كاروان باعهدرێ/ وەختا باسیگ دەربارەی خوەرئاوای کوردستان کریەێد، دیمەن ئاوارەکردن تێەێدە وەرچەوود ، بیجگە ویرانکاری وهەڕەشەی لەناوبردن، بەڵی لەورا پێکهاتەیگ هەس، ئەیە رەت نێکریەێد، وەلی کام پێکهاتە؟، بایەسە بزانیمن ک مەوقەیگ شۆرش سوری دەسوەپیکرد ساڵ ٢٠١١ ، دویای داین بهش خوەرئاوای کوردستان لەلایەن حکومەت سوریا وەدەس پەیەدە لەژیر چەتر پەکەکە دروس بوی.
گشت کوردیگ دڵخوەش بی ئەگەر بەشیگ لە کوردستان ئازادبوود، وهویچ هەڕەشەیگ لەبانی نەوود، وەلی ئەوەگ لە خوەرئاوای کوردستان بوی، هێشت وەڕیەبەرایەتی سەروەخوەیەگە هەست بکەێد دی هویچ هەڕەشەیگ لەبانیان نێەوود، ولای خوەیانەو بوینە جوور فاتیکان وبی لایەن.
بیجگە پەیەدە، ک ئەو حزبە کوردستانیەگان تر (پەدەکەسە)، وحزبەیلیگ تر لە ئەنجومەن نیشتمانی کوردی لە سوریا (ئەنەکەسە) لەبان رینمای پارتی خەبات کردیان لە پەنجاگانەو، بەڵکم هویچ ئەرزشیگ ئەرایان نەنریا لەلایەن پەیەدە، ودەریان کردە دەیشت وڵاتەگە وبارەگایلیان سزانن.
دویای ئەوە ک پەیەدە عەفرین و کرێ سپی وسەرێ کانی لەدەسدا، قوناغ ناون (ئەنەکەسە) و (تەڤەدەم) چیە بان، بیجگە رێککەفتنەگان ک لە (دهۆک١ ) و (هەولێر ٢،١ ) وەسەرپەرشتی بەڕێز مەسعود بارزانی كریا.
بەڵکم دویای وەرگردن دەسهڵات سەرۆکایەتی هەرێم کوردستان له لایهن بەڕێز نیچیرڤان بارزانی ، توێنست سەرۆکایەتیەگە بکەێدە چادریگ و گشت ئەو بەشەگان کوردستان گردەوبکەێد، ئەرا نموونە، جهان لەنوای هەڕەشهی گەورایگ بوی لەوەر پەتای کۆڕۆنا، هەرێم کوردستانیش رێوشوێنهیل سەختەیگ لەوباوەتە گرتهوهر، بەڵکم سەرۆکایەتی هەرێمەگە لەبان ئەوەیش، تاقێگەی پزشکییگ ئەرا خوەرئاوای کوردستان رەوانەکرد، ومەزڵوم کۆبانی خوەی تاریف هەڵوێست سەرۆکایەتی هەرێم کرد، وسوپاسی کرد.
هیمان سەرۆک هەرێم خوەی کارەگەر سەریەکیە، وزوور لەبان ئاشتەوایی خەڵک لە خوەرئاوای کوردستان کەێد، تایبەت ناوبەین ( تەڤەدەم و ئەنەکەسە) وەپیرهوهاتنەگەی مەزڵوم کۆبانییش، وئیسە کردار سیاسی خاسیگ لەلی بڕین، ئەیە هەروەخوەیەو بوویە پاڵپشتیگ لەلایەن جوگڕافی وسیاسی وسەربازی ئەرا خوەرئاوای کوردستان، چوینکە ئەوە توێەنێد هەڵمەتەیل کومەڵەیل لایەنگر تورکیا بووسنێد لەبان خوەرئاوای کوردستان، ئەرا نموونە، چوینکە توێەنێد وەڕیەوبەرایەتی هاوبەشیگ ( کوردی کوردی) دروس بکەێد، وهەریەک لە هەرێم کوردستان و خوەرئاوای کوردستان توێەنن بوونە هێز نوویگ و هاوسەنگی سیاسییگ لە ناوچەگە، وتوێەنن لە ری دەسڵاتیان لە ناوچەگە، بوونە خاوەن هەڵوێستیگ راسكانی وەل دەوڵەتە گەوراگان،.
کلیل بەغداد
بەڕێز نیچیرڤان بارزانی، سەرۆکاتی هەرێم کردە ناوەند را و بۆچونە جیاجیاگان لە هەرێمەگە، وگشت حزبە سیاسیەگان گردەوکرد لە سەرۆکایەتی هەرێم. وەختا سەرۆک وەزیر نوویگ ئەرا عراق راسپیردرا، بەڕێز نیچیرڤان بارزانی گشت لایەنە سیاسیەگان گردەوکرد تا لە وەردەم بەغداد خاوەن یەک قسە بوون، وگشت باوەتەگان کردە یەک چەپڵە، وهەریەک لە محمد تەوفیق عەلاوی و عەدنان زورفی وکازمییش رەسینە دڵنیایی ک کورد یەک بۆچون سیاسی دیرێد، ولەوەر ئی بۆچونە سیاسیە بەغداد نەتوێەنست مەرج بخەێدە بان کورد، وەختا پشتگیری کازمی کرد، ئەیە وەگشتی تیەێدەو ئەرا گردەوکردن گشت حزبە سیاسیەگان لە دامەزراوهی سەرۆکایەتی هەرێم.