كووچ وه‌پيكردن كورده‌يل فه‌يلى خراوترين دژه ياسايه‌يل ئاسمانى و نه‌ريته‌يله
شه‌فه‌ق نيوز/ له‌ى رووژه‌يله ياد خراوترين دژه ياسايه‌يل ئاسمانى و دونيايى و نه‌ريته‌يل ئه‌خلاقى و ريككه‌فتنه‌يل ناوده‌وڵه‌تى ئه‌كه‌يم، ك ده‌زگايه‌يل كوشتنكار حزب به‌عس تاوانبار وه فه‌رمان راسه‌وخۆ له سه‌رۆك ده‌سڵات بوينه هووكار بيبه‌شكردن هه‌زاران كورد فه‌يلى له مافه‌يليان له هاووڵاتيبوين ك له باوگ و باپيره‌يليانه‌و ئه‌رايان وه‌جى مه‌ندوێد و ماڵ و موڵكه‌يليان گشتى زه‌فت كريا و وه ژان و مه‌ينه‌تيه‌يل فريه‌يگه‌و خريانه بان مه‌رزه‌يل و جايه‌ڵ جوانه‌يليانيش خريانه گووشه‌ى زيندانه‌يل و بيسه‌ر و شوون كريان، ئه‌ويش له‌وه‌ر مه‌سه‌له‌ى نه‌ته‌وايه‌تى و تايفى له ئاكام هه‌ڵمه‌تيگ رخبه‌وبردن گشتگير دژ گشت ئه‌و عراقيه‌يله ك ده‌سڵات ئه‌وساى عراق جوور گرفتيگ ته‌ماشايان كردياد له‌وه‌رده‌م ده‌سڵاته‌گه‌ى، ئمجا له‌ى بوونه‌يشه چشتيگ نه‌يريم بيجگه ئه‌وه‌گ نه‌ف له‌ى ده‌رفه‌ته وه‌ربگرێم ك له‌ليه‌و ياێ بگرێم چوين زاڵ بويمنه بان مه‌كر سته‌مكاره‌يل و فه‌ن و فێڵ سياسه‌ته‌يل فه‌رمانڕه‌وا و ئه‌و لێدوانه‌يله و قه‌وڵه‌يل هه‌سه‌ڵێه باريمنه ياد و باس له‌ى پيكهاته‌ى زوڵمليكرياگه بكه‌يم ك چوين مافه‌يليان ره‌فت كرياگه، ك يه‌يش جيوه‌جى نادى مه‌گه‌ر وه به‌رزه‌وبوين ئه‌را به‌رزترين ئاسته‌يل فكرى و داهێنان سياسى و لاكردنه‌وه‌ى فيشتر له ده‌ور لايه‌نه‌يل سه‌روه‌خوه‌ى سياسى و دڵسووز ئه‌را خودا و دوير له‌ئه‌جنداو لايه‌نه‌يل خود حاشاكه‌ر.
له‌يراوه ده‌سپيشخه‌رييگ ئه‌كه‌يم وه‌خاتر مقه‌يه‌تيكردن پيكهاته‌ى فه‌يلى و ناسنامه نيشتمانيه‌گه‌ى و خواست چاره‌سه‌ر كيشه هه‌ميشه‌يه‌گه‌ى وه‌گووره‌ى ئه‌و مافه‌يله ك له ده‌ستوور و ياسايه‌يل سه‌رده‌م تازه‌ى حوكم هاتنه وه ئه‌وه‌گ كووتايى وه ئه‌و ره‌گه‌زيه‌ته باريه‌ێد ك رژيمه‌يل ديكتاتۆرى يه‌ك له شوون يه‌كه‌يل وه‌رين مه‌شقى ده‌رهه‌ق ئى پيكهاته كرديان له عراق ديموكراسى يه‌كگرتگ فره‌يى و دياريكردن راده‌ى وه‌رپرسيارێتى ئه‌را مقه‌يه‌تيكردنو هه‌وڵداين ئه‌را نواگيرى له ئيچنه كرده‌وه‌يليگ ك مه‌ردانيگ وه‌ى كاره‌يله هه‌وڵ دروسكردن گرفت ئه‌يه‌ن ك هيمان رووژانه له دام و ده‌زگايه‌يل ده‌وڵه‌ت مه‌شق ئه‌كريه‌ێد، ئمجا وه‌رپرسيارێتى ريزگرتن له مافه‌يل ئاده‌ميزاد ئه‌كه‌فێده بان گشت لايه‌نه‌يل و ئه‌نجامداين حاڵه‌ته‌يل خراويش ئه‌دێده هووكار له‌ناوبردن و په‌ياكردن مه‌ردمان مه‌ترسيدار وهه‌ڕه‌شه‌كار و گوزاره‌يل خوسه‌و كينه‌ت ك ئنتمايه‌يل نه‌ته‌وه‌يى و ره‌گه‌زى و ئايينى ئه‌گرێده ئامانج وه‌تايبه‌ت له مه‌سه‌له‌ى ئه‌نجامداين تون وتيژى كرده‌وه‌يى. دى نوڕيد هه‌ناى ك كه‌رامه‌ت ژيرپا ئه‌خريه‌ێد و وشه كه‌ڕ ئه‌دێ و سته‌مكار زوور ئه‌گرێد، دى خوداى په‌روه‌ردگار كه‌سه‌يليگ هه‌واڵه ئه‌كا ئه‌را نتقامكردن و خوه‌يان ئه‌را خودا ئه‌كه‌نه قوربانى و خودايش هه‌ڵوژنيده‌يان ئه‌را شكانن هه‌يبه‌ت جه‌به‌روت سته‌مكاره‌يل و هاوردنه‌وه‌ى كه‌رامه‌ت، ئه‌ويش تا وشه‌و خامه ئازاد بوون و وشه‌ى خودايش سه‌روه‌ر گشت وشه‌يله‌و قسه‌ى زوڵمكاره‌يل مينێده ژير. وه‌و خاتريشه رووح شه‌هيده‌يل ئى پيكهاته‌ى دڵسووزه له به‌رزترين به‌رزايى بويه.
ئه‌ى شه‌هيده‌يل ئه‌زيز، ئيوه ژيانمان وه رووحه‌يلدان زينگه‌و كردين و كاريگه‌رى فريه‌يگ له ده‌روينمان هيشتينه‌جى تا رووژ حه‌شر، ئيوه وه خوين پاكدان ڕويمان چه‌رمگه‌و كردينه، ئه‌گه‌ريش قه‌وريگ نه‌ياشتوين بايمنه سه‌ردانى، ئه‌وه له دڵه‌يلمان قه‌ور و مه‌زارگه ديرين. مێژوو ياددان ئه‌كا، ئيوه گوزه‌يشت و ئيسه‌و ئاينده‌ين و رووشنايى ژيانمانين، هه‌ر قه‌ده‌ريگ روى له ئاده‌ميزاد بكا له‌بان سه‌كوو نه‌مرى وه‌گشت كبريايه‌گه‌و ئه‌و هه‌ڵويسته له‌هوير ناوريه‌ێد و وه‌تايبه‌ت له‌لاى ئه‌وانه‌گ له‌تى ژيانه له‌گشت چركه‌و ده‌قه‌و سه‌عاتيگى، تا ئاده‌ميزاد ده‌فته‌ر كاره‌يلى له‌تى نمايش بكا له‌لايگ و له‌لايگ تريشه‌و چه‌وه‌ڕى خودا بكا به‌ڵكم نوڕيده حاڵى و كووچكردنى له دونيا ئاسان بكاو له گوناهه‌يلى خوه‌ش بدێ.
گشت خوه‌شه‌ويسييگ پيشكه‌ش وه‌پيدان ئه‌كه‌يم ئه‌ى شه‌هيده‌يل هه‌ق، ئيوه چشت فريه‌يگ پيشكه‌ش كردينه و زووان له باسكردنى ناتواناس، ئيمه بيجگه دوعاو نزاو ره‌حمه‌تكردن ئه‌رادان چشتيگ شك ناوه‌يم، يه‌يش له‌وه‌ختيگ ك ئيوه شايسته‌ى فيشترين، وه‌لێ ئيمه مزگانى وه‌پيدان ئه‌يه‌يم ك ئه‌وه‌گ پيشكه‌شى كردينه وه تاڵان ناچێد، ئمجا ئه‌ى شه‌هيده‌يلمان ئيمه ئمڕوو وه خوين پاك ئيوه ژيه‌يم و كه‌رامه‌تمان ها ئيوه‌وه‌و ئيوه نوير ژيان و كه‌رامه‌ت ئه‌را ئيمه هاوردينه، دى هه‌رچى بويشيم ده‌رهه‌قدان هيمان هه‌ر كه‌مه‌و هه‌زاران هه‌زار ره‌حمه‌ت له رووحه‌يل پاكدان.
سه‌ربه‌زرى ئه‌را ملله‌ت عراق و ئازاديخوازه‌يل جه‌هان
ره‌حمه‌تيش ئه‌را رووح شه‌هيده‌يل كورد و كورد فه‌يلى.
عه‌بدولخالق ئه‌لفه‌لاح
