چريكه‌ێ سه‌فامه‌نش ڕه‌سيه هه‌ڵه‌بجه
له تازه‌ترين كار هونه‌ری خوه‌ێ و وه‌بوونه‌ێ 17ــه‌مين ساڵڕووژ كيمياوارانكردن شار هه‌ڵه‌بجه‌ێ شه‌هيد، هونه‌رمه‌ند گورانيچڕ شار كرماشان "حوسه‌ين سه‌فامه‌نش"، مه‌قامێگ وه شێوه‌زار كوردی خوارين وه‌ناو (16/3) ئه‌ڕا شه‌هيده‌يل شار هه‌ڵه‌بجه چڕی.
مه‌قام (16/3) ك ئمڕوو له په‌يج فه‌رمی "حوسه‌ين سه‌فامه‌نش" له‌بان تووڕ كومه‌ڵايه‌تی فه‌يسبووك بڵاوه‌وكريا، تێكسته‌گه‌ێ له‌لايه‌ن "ئاراس جه‌واد"ه‌و نويسرياس و ژه‌نياره‌گه‌يشێ "زانيار پندار"ـه ك وه ئامێر ديوان هاوڕێيه‌تی سه‌فامه‌نش كردێه‌و كار ميكسيشێ له‌لايه‌ن "مێهرداد خاندڵ"ـه‌و ئه‌نجامدرياس و له‌ستۆديۆيه‌يل شار كرماشان له ڕووژهه‌ڵات كوردستان توماركرياس.
جێ باسه، له وه‌هار ساڵ 1988 شار هه‌ڵه‌بجه له‌لايه‌ن ڕژيم به‌عسی سه‌ددام حوسه‌ين، وه گازه‌يل كيمياوی بۆمواران كرياو له ئاكام ئه‌و بۆموارانه‌يله زياتر له 5000 هاووڵاتی بێ تاوان شاره‌گه شه‌هيد كريان.
ئه‌ڕا تماشاكردن كليپه‌گه له‌ێره كرته بكه.
ا. ج
