پێشانگایگ فۆتۆگرافی تایبه‌ت وه ئه‌نفال و رۆڵ دانیا میتیران واز كريا
وه بوونه‌ی یاد 24ه‌مین كاره‌سات ئه‌نفال ملله‌ت كورد، هه‌ميش جوور وه‌فاداری وقه‌درگردنێگ له رۆڵ دووس ملله‌ت كورد دانیال میتیران هاوسه‌رۆك وه‌رين فه‌ره‌نسا، وه‌ڕێه‌وبه‌رایه‌تی گشتی رووشنهویری و جوانه‌يل له هۆڵ گه‌له‌ری شار دهۆك، ئمڕوو سێشه‌ممه 28/8/2012 پێشانگایگ فۆتۆگرافی ئه‌را رووژنامه‌نويس (شوكری به‌رواری) كرده‌و له ژێر ناو ( مادام دانیال میتیران وكورد و ئه‌نفال) له ژێر چه‌ودێری ئارام ئه‌حمه‌د، وه‌زیر كاروبار شه‌هیده‌يل و ئه‌نفالكرياگه‌يل.
له‌ی پێشانگا هه‌ر یه‌ك له رووژنامه‌نويسی فۆتۆگراف جان لۆك سیمۆن و باسكال شاریرۆن و شوكری به‌رواری و وه‌هاوكاری رووژنامه‌ی ڵامۆنتانی ناو‌ڕاس فه‌ره‌نسا و رێكخرياگ فه‌ره‌نسا ئه‌را ئازادی ك دووس ملله‌ت كورد دانیال میتیران سه‌رۆكایه‌تی كردياد به‌شدار بوون.
هه‌ميش له‌ی پێشانگا زیاتر له 130 وێنه‌ی فۆتۆگرافی نمایش كريه‌ن ك گوزارشته له كاره‌سات ئه‌نفال و ئێوه‌تگایل كووچبه‌ره‌يل له ماردین و ئامه‌د و سه‌ردانه‌یل میتیران ئه‌را ئی ئێوه‌تگایه‌يله له توركیا وفه‌ره‌نسا و رۆڵ ناوبرياگ له زیاتر ناسانن كێشه‌ی ملله‌ت كورد و ئه‌و جينۆسايده‌يله ك ده‌رهه‌قی كريانه وه‌ده‌س رژيم وه‌رين عراق.
ا. ج
