وێنە.. هەولێر پێشانگای شیوەکاری ئەرا سرووشت کوردستان واز کەێد
شەفەق نیوز/ فەرمانگەی هونەر شیوەکاری لە هەولێر پایتەخت هەرێم کوردستان، ئمڕوو دووشەممە، دۊەم پیشانگای کەسایەتی ئەرا هونەرمەن بنار بیرداود مەخموری واز کرد، ک ئەرا سرووشت هەرێم کوردستان تەرخان کریا.
ئەو پێشانگا ک تا ماوەی چوار رووژ وەردەوام بوود، ناونشان (هەڵمژین رەنگەیل) هەڵگرد، و ٤٦ تابلۆ وە رەنگ رۊنی لەناوی بۊ. هونەرمەن بنار بيرداود ئەرا ئاژانس شەفەق نیوز وت: خوەی ئەرا سرووشت تەرخان کردگە، و ئیسە تەنیا دیرێد تابلۆ ئەرا سرووشت کەێد.
وتیش: خوازم وەی تابلۆیلە هووش تەماشاکەر ئەرا سرووشت رەنگین کۊیە و هاماری و دووڵەیل کوردستان بکیشم.
هەرلە ئومێد خۆشناو پارێزگار هەولێر، و سالار عوسمان جینشین وەزارەت روشنهۊری، و فەرهەنگ غەفور وەڕەوبەر گشتی روشنهۊری، و ئازاد شوکری وەڕەوبەر فەرمانگەی هونەر شیوەکاری، و بڕیگ لە نەختەیل هونەرمەن و دووسەیل شیوەکاری لە هەولێر لە رسوومەیل وازکردن ئەو پێشانگا بەشدار بۊن.
