وە نرخ فرە گەپیگ.. تابلۆیگ ئەرا مارلین مۆنڕۆ خریەێدە فرووشتن
![وە نرخ فرە گەپیگ.. تابلۆیگ ئەرا مارلین مۆنڕۆ خریەێدە فرووشتن](https://media.shafaq.com/media/arcella/1647936443595.jpg)
2022-03-22T08:08:38+00:00
شەفەق نیوز/ ماڵ کریستیز، رووژ دووشەممە، تابلۆیگ ئەرا دەمچەو هەسارەی ئەمەیکی کووچکردی مارلین مۆنڕۆ، ک ئایقۆن میوزیک پۆپ ئاندی وارهۆل لە شەسەیل سەدەی گوزەشتە دروسی کردگە، ئەوەسا خریەێدە نمایش فرووشتن، وە نرخیگ مەزەنەیی رەسێدە نزیکەی ٢٠٠ مەلیۆن دۆلار، ک بوودە شمارەیگ پەیمانەیی.
ئەلیکس رۆتەر سەرۆک یانەی هونەرەیل ور: ئەو تابلۆ وەناو (شووت سیگ بلوو مارلین مۆنڕۆ) مەزەنە هەس بوودە گرانترین تابلۆ لە سەدەی بیس.