کوڕەگەی شەھرام نازری باس باوگی کەێد
شەفەق نیوز/ وەبۆنەی ساڵیاد لەداڵگبۊن شەهرام نازری، كوڕەگەی پەیامیگ بڵاوكردگە و ئۊشێد: گشت بزوگیگ لە دنیا فرە وەنرخە، باوجی كەمجار كەسیگ هەم باوگ بوود و هەمیش و ئەفسانەی كەلتووری وڵاتیگ بوود.
حافز نازری لە پەیامیگ ئۊشێد: “گشت باوگیگ لە لە دنیا فرە وە نرخە، باوجی لە راسی کەم جار ئەوە بوود، کە کەسیگ هەم باوگ بوود ، و مامووستاد بوود، و هەمیش ئەفسانەی کلتوری وڵاتیگ بوود و ھەم لە رۊ مرۆیی و خوەیەکەمزانین، پاڵەوانی ژیان بوود”.
حافز لە بەشێگ تر لە پەیامەکەی ئۊشیدیش، “راسە جۊر باوگیگ کەمتر نازد کیشام، راسە جۊر ھەر باوگیگتر ھەمیشە لە کەنارم نەۊێ، باوجی عاشقانە دووسی دیرم.. ئومید خوازم سایەد لە من و ئەو کەسەیل ک ساڵەھای ساڵ وە دەنگ جادوویی تۆ ژیان کەن، کەم نەکەێد.. رووژ لەداڵگبۊند پیرووز”.
شەهرام نازری لە 18ی شوبات 1950 لە شار كرماشان لەداڵگبۊە، هونەرمەن شارەزای میوزیك و گورانی ڕەسەن كوردی و فارسییە. هەر لە مناڵییەو داڵگی وەگەرد شیعر و ئاواز هووکارەی کردگە، و لە فرەی بەرهەمەیلی سوود لە شیعرەیل مەولانا وەرگردگە.
ئەو هونەرمەنە زیاتر لە 40 ئەلبووم گۆرانی بڵاوكردگە، لە ماوەی كاروان هونەریی 12 ناسناو و خەڵات جۊراوجۊر لە ناوخۆی وڵات و دەشتی وەدەستهاوردیە ک دیارترینیان خەڵاتەکانی (لوژیۆن دۆنۆر و شوالیەی ئەدەب و هونەری) فەرەنسان.
