کووچکردن هونەرمەنیگ کورد

شەفەق نیوز/ هونەرمەن کورد، عەلی وەندی، لەوەر بیماریی، ئمڕوو پەنجشەممە،  لە خەسخانەیگ لە شار سلێمانی،  دۊاکووچی کرد. 

هونەرمەن ناودیار شار خانەقین،  عەلی وەندی، خاوەن بڕیگ گورانیە ک هیمان هالە هۊرمان گەل کورد وە گشتی و خەڵک شار خانەقین وەتایبەت، ئمڕوو لەناو شارەگەی خوەی پیشوازی لە تەرمەگەی کریەێد، تا لە خانەقین بنریەێدە خاک. 

عەلی وەندی، لە ساڵ ١٩٤٠ لەداڵگ بۊە، وپێشمەرگەیگ دێرین بۊە، و لەبان کارەیل سیاسیی دەروەدەر شارەیل بۊ، و لە ساڵ ١٩٦٧ وەناوبانگترین گورانیەیلی لە رادیۆی بەغداد توومار کرد، وەناونشان (ئەی هاوسێکەی بەر پەنجەرە).  

جی باسە، لە کۆتایی ساڵ گوزەشتە،  وەئامادەبۊن خود ڕەحمەتی عەلی وەندی، پەیکەریگ لە شار خانەقین ئەرای دروس کریا.