کوشیان ئەکتەریگ ئەمریکی وە پەلاماردان چەکداری لە لۆس ئەنجلوس

پێگەگە خەوەردا، واکتۆر کە وە کەسایەتی "برواندۆ کۆربین" ناسریابوی لە زنجیرە درامای General Hospital، لە رووژ شەممە، وە گولە لە لۆس ئەنجلۆس کوشیاس، وەپای ئەوەگ داڵگی سکارلیت واکتۆر، دویکە یەکشەممە، رایگەیاندیە.

داڵگ جنی وت؛ کورەگەی وەرد هاوڕیەگەی سێ پیاو دینە تەقەلادانە چشتیگ لە ماشینەگەی بدزن، هەرچەنە جۆنی تەقەلای وساننیان نەدایە باوجی ئەوان تەقە لەلیان کردنە، لەدویای ئەوە ئەرا خەسخانە کلکریا، لە شەوەکی رووژ شەممە، لەتەمەن 37 ساڵی مردنی راگەیانن.

پارێزەر واکتۆر لە بەیاننامەیگ مردنی راگەیان و وت "جۆنی تەنیا ئەکتەریگ خاوەن بەهرە و پابەند وە پیشەگەی نەوی بەڵکم نمونەیگ بوی لە رەوشت، لە کاریل قورس کۆڵ نەدا خاوەن هەڵوێست بوی.