گورانیەیل نەناسریای مایکل جاکسۆن پەیا کریا
شەفەق نیوز/ لە شوینیگ چووڵکریای کاسێتەیلیگ پەیا کریان کە نزیکەی ١٥ گورانی نەناسیای گۆرانیچڕ کووچکردگ ئەمریکی مایکل جاکسۆن هاناویان، لە لە باکوور شار لۆس ئەنجلۆس، وەگورەی گۆڤار هۆلیوود، بەڵام هاتێ هەرگیز ئی گورانیەیلە بڵاو نەکریەن.
گۆڤارە تایبەتمەنەگە ئاشکرا کرد کە گرێگ موسگرۆڤ، پۆلیس وەرین ئی توومارەیلە پەیا کرد کە لەناویان دوێتێگ وەگەرد راپەر ئێڵ ئێڵ کوول جەی، لە یەکەیگ هەڵگردن کە خاوەنەگەی برایان لۆرن، بەرهەمهێنەر مۆسیقا بویە، کە هاوکار ئەسارە کووچکردگە بویە، پەیا کردیە و ئیسە شوینی نادیارە.
وەگورەی ئاشکرکردن لەبان کاسێتەیل، میژوو تووماریان چوودەو ئەرا ساڵەیل ١٩٨٩-١٩٩١، وەرجە بڵاوبوینە ئەلبووم “Dangerous” کە گورانی “بلاک ئۆر وایت” لە ساڵی ١٩٩١لەناوی بوی.
موسگرۆڤ لەباوەت ئەو کاسێتە ئەرا رووژنامەی هۆلیوود ڕیپۆرتەر وت: "گووش لەو توومارەیلە گردم و هەس وە مویچرکە کردم، چوینکە تا ئیسە کەس نەژنەفتیەسەی، وەڕاسی فرە خۆش بوی کووش لە مایکل جاکسۆن گردم کە قسە و هەنەکی کەێد".
بەڵام گۆڤارەگە باس ئەوە کرد کە دیارە هەوادارەیل مایکل جاکسۆن نیەتوەنن ئەو گورانیەیلە بژنەفن، کە ماف بڵاوکردنیان کەفتیەسە دەس دامەزراو "جاکسۆن ئیستێت" کە میراتی ئەسارەگە وەڕیەو بەێد.
