نەسیر شەممە خەفەت خوەی وە کوشیان گەنجیگ لە کەسوکارەیلی نشان دەێد
2023-06-13T09:48:24+00:00
شەفەق نیوز/ هونەرمەن کورد فەیلی ناودیار، نەسیر شەممە، پرسەنامەی یەکیگ لە کەسوکارەیلی بڵاو کرد، ک لە مرافەیگ لەناو یەکیگ لە بازاڕەیل عراق کوشیا.
شەممە لەبان سۆشیال میدیا نویسان: ئمڕوو وە خەوەر کەلەمە و زیاندار و رخبەریگ خەفەتبار بویم، عەلی هەیسەم نەوەی خوەشکەم لە تەمەن ١٣ ساڵان گیانی لەدەسدا.
نەسیر شەممە چیرووک ئەو مردنە بڵاو کەێد ک ئویشێد: وەگەرد باوگی ئەرا دوکانەگەی چیە، دویای ئەوە ک لە مەکتەو سەرکەفتگ بوی، و بڕوانامە برد، و هوچان لە مەکتەو برد، وتیش: لەوەر دەمەقاڵیگ لەناو جادە، ک خوەی هویچ کاریگ وەپیا نەیاشتیە، کەسیگ وە ماشین هاتە ناو دوکانەگە و کوشیا.
وتیش؛ دڵم ژان کەێد، خەفەتبارم ئەرا ئی مناڵیە، هەمیش خەفەتبارم ئەرا رەوش وڵاتیگ گیانەیل وە ئاسانی تلیەن.
شەممە پرسیار کرد، ئایا چ سزایگ بایەسە تاوانکارەگە بوەێد؟ چ سزایگ بوودە نواگیری ئەرا کەسیگتر، چە بایەتە کەسیگتر لەی کارە یای بگرێد؟.
هەمیش وت: گیرستم، و نیەخوازم ئەسرەیلیگ زیاتر لە رویداوەیلیگ بوینم، ک تاوانکاریگ سەرەهەرز بکەێدەی.
