نینا جه‌مال نازكه‌

وه‌زاراوه‌ی كرمانجی چڕیه‌سه‌ی‌ له‌شار دهۆك وه‌سپۆنسه‌ر كۆمپانیای ڤین پرۆداكشن كلیپ ئه‌كا.
نینا وت‌: ئى گورانییه‌ وه‌ناو (نازكم)ه‌ وتێكست ئه‌حمه‌د هسنی و ئاواز سه‌میر زاخۆلییه‌ و له‌لایه‌ن ستافێگ پرۆفیشناڵ هونه‌رییه‌وه‌ وێنه‌ی گیریاس‌ و كار  رووشنایی و ده‌نگ ئه‌رای كریاس‌.
ئاشكرایشی كرد‌ ك‌ ئه‌و گورانییه‌ له‌لایه‌ن ده‌رهاوه‌ر جایڵ وجوان فه‌رهه‌نگ فه‌رمان كار ده‌رهاوردن ئه‌رای كریاگه‌و ئیسه‌ ها له‌قوناغ مۆنتاژ‌.
نینا ئاماژه‌ ئه‌را ئه‌وه‌یشكرد، ك‌ بیجگه‌ له‌و كلیپه‌ ئیسه‌ خه‌ریك ته‌واوكردن كاره‌یل ئه‌لبومه‌ نووه‌گه‌یه‌ ك‌ هه‌یشت گورانی له‌خوه‌ی گرتگه‌ وه‌زاراوه‌یل سۆرانی و كرمانجی و هه‌ورامی تۆماری كردگه‌ و فره‌تر كاره‌یلى ته‌واوبویه‌.
ئه‌وه‌یش‌ خسته‌ڕوى، ك گورانییه‌گان شه‌ش ئاوازو چوار تێكستى هن رائید شامیل و تێكستێگی هن یاوه‌ر هه‌ورامی و ژیار یاڵان و دو گورانیشی وه‌ زاراوه‌ی كرمانجییه‌.
نینا ده‌س خوه‌شی له‌كۆمپانیای ڤین پرۆداكشنیش‌ كرد ك‌ هاوكارییان كردگه‌ ئه‌را به‌رهه‌مهاوردن ئه‌لبومه‌گه‌ی و كلیپكردن چه‌ن گورانییگ و بوینه‌سه‌ سپۆنسه‌ر كاره‌یلى.

ا. ج