نيكۆڵ سابا وه سه‌ركه‌فتن مورسى، فره دڵخوه‌شه
2012-07-03T00:08:11+00:00
دوكتۆر مورسى بويه‌سه سه‌رۆك مسر. مه‌حه‌مه‌د مورسى له ئه‌ڵوژانن مسر، چوى سه‌رۆك ئه‌ى وڵاته ئه‌ڵوژياو سه‌ركه‌فت. ئه‌ى خه‌وه‌ره هه‌م فێشتر مه‌ردم مسر، هه‌م وڵاته‌يل ده‌وه‌روه‌رێ دڵخوه‌شه‌و كرديه.
نيكۆڵ سابا خوه‌شى خوه‌ى له سه‌ركه‌فتن مورسى هاورديه‌سه زووان و ئاوه‌ختى سه‌ركه‌فتن له كاره‌يلێ ئه‌راى كرديه.
سابا يه‌يشه وتگه: له ئاينده‌ى نزيك سه‌ردان قاهره ئه‌كا تا وێنه گرتن به‌رنامه‌گه‌ى ك بڕيار ئيچنه‌سه له ره‌مه‌زان ئمساڵ په‌خش بكريه‌يد، ته‌مام بكا./ش
