مردن هونەرمەنیگ راپ لەوەر چەو جەماوەر لەبان شانۆ
2023-03-12T17:15:03+00:00
شەفەق نیوز/ دووسەیل گوانیچڕ راپ (کۆستا تیتش) ک ئەرا ئاهەنگی لە گوهانسبورگ باشوور ئەفریقا ئامادە بوین، وەخوەیان نەزانستن ک هاتنەسە تەماشاکردن ئاهەنگ مەرگ هونەرمەنەگە.
ئەو راپەڕ باشوور ئەفریقایە لە تەمەن ٢٨ ساڵان لەوەر چەو دووسەیلی گیانی لەدەسدا، هەنای لەبان شانۆەگە گلیا.
لە کرتەیلیگ لەبان سۆشیال میدیا نشان دەن ک تیتش چمای لەناو ئاهەنگەگە تکەپا دەێد، ئیجا کەسەیلیگ دەسمیەتیی دەن تا هەڵسێد.
دویای ئەوە ئەو ئەسارەی راپە وەردەوام بوی لە گورانیەگە، تا جاریگتر گلیا و لە هووش خوەی چگ،
دویای بردنی ئەرا خەسەخانە، مردنی راگەیانن، وەبی ئاشکراکردن هووکارەگەی.
