مردن خانمە هونەرمەندیگ باوەڕ وە واکسین نەکرد و خوەی تۊش کۆڕۆنا هاورد

شەفەق نیوز/ خانمە گورانیچڕ لە تیم "ئەسونانس" هانا هۆرکا، ک دژوە واکسینەیل ڤایرۆس کۆڕۆنا وسیا، لە تەمەن ٥٧ ساڵان مرد، ئەوەیش دۊیای  ئەوەگ خوەی تۊش ڤایرۆس کۆرۆنا هاورد، تا مووڵەت تەندروسی وەدەس بارێد. 

فەرزەن گورانیچڕەگە یان ریک وت: داڵگی رازی نەۊیە واکسین بوەێد، و خوەی خستە وەر بیماریەگە.     

وتیش: بڕیار دا وەگەردمان وەشیوەی سرووشتی گوزەران بکەێد، و رازی نەۊی واکسینەگە بوەێد.    

وەرجە دوو رووژ لە مردنی، هانا لەبان ماڵپەڕەیل شۆسیال میدیا نۊسان، لە پەتاگە قورتار بۊیم، و ئەوەسا نمایش شانۆ و حەمام ساونا و ئاهەنگ مۆسیقایی کەم، و وەرەو دەریا چم.