کەماڵ محەمەد نووترین ڤیدیۆ کلیی بڵاوکرد
2023-07-16T10:05:34+00:00
شەفەق نیوز/ هونەرمەن گورانیچڕ کەمال محەمەد نووترین بەرهەم هونەری خوەی لە چەناڵ یوتوبەگەی بڵاوکرد.
"تەنیام مەکە" نووترین ڤیدیۆ کلیپ کەمال محەمەدە و ئەمین داستان هۆنراوەگەی نویسایە، شادمێر نامۆ کار ئاوازدانانی کردیە و وەلایەن بڕیار فەتاح کار دەرهێنانی ئەنجام دریاس.
كه‌مال محه‌مه‌د ساڵ ١٩٦٠ لە شار سلێمانی لەداڵگبویە، لە ساڵەیل هەشتاگان دەس وەکار هونەری کردیە، یەکیگە لە گوڕانیچڕە ناودیارەیل کوردستان.
