ماڵ و كلیل خه‌ڵات خاسترین فیلم وه‌رگرد
فیلم كۆڵ مه‌ته‌ڵ "ماڵ و كلیل" Home & Key له ده‌رهاوردن سینه‌ماكار كورد "شوان عه‌تووف" و به‌رهه‌م وه‌ڕێه‌و‌به‌رایه‌تی هونه‌ر سینه‌مای سلێمانی له تازه‌ترین به‌شداری ناونه‌ته‌وه‌یی خوه‌ی له به‌ش پێشبڕكێ سه‌ره‌كی فیلم كوڵ "به‌هره‌يل نوو" 26ـه‌مین خول فستیڤاڵ ناوده‌وڵه‌تی فیلم "گیرۆنا" له وڵات ئسپانیا نمایشكريا و له لایه‌ن ئه‌ندامه‌یل ليژنه‌ی دادوه‌ره‌یل ئی فستیڤاڵه خه‌ڵات خاسترین فیلم به‌خشريا ده‌رهاوه‌ر فیلمه‌گه.
كۆڵه فیلم كوردی "ماڵ و كلیل" ئه‌ڕا وه‌ده‌سهاوردن ئی خه‌ڵاته وه‌ل 41 فیلم له وڵاته‌یل جووراوجوور جه‌هان، له‌وانه: پۆڵه‌ندا، به‌لژیكا، ئه‌ڵمانیا، ئسپانیا، فه‌ره‌نسا، ڕۆمانیا، كۆڵۆمبیا، ئه‌مه‌ریكا، شیلی، سویسرا، ئیتاڵیا، ماليزیا، ئه‌رژه‌نتین، به‌ریتانیا، ئوستوراڵیا، كه‌نه‌دا، كۆزۆڤۆ، مه‌كزیك، برازیل، نۆروێژ، ئیرله‌ندا، دانیمارك، یونان، كۆمار چێك، سێربیا، لۆكزامبۆرگ، كاتالان و چه‌نه‌ها وڵات تر له ڕكابه‌ری بوی.
ئی فیلم كوردییه ماوه‌گه‌ی 15 ده‌قه‌س و باس ژیان كه‌سێگ كورد ئه‌كا و له‌ناو گێژاو و كاره‌ساته‌یل كورده‌و، ژیان و مردن خێزانه‌گه‌ی به‌رجه‌سته ئه‌كا و ئيسه له چه‌نه‌ها فستیڤاڵ ناوده‌وڵه‌تی فیلم له ئاست جه‌هان به‌شداری كردگه.
ا. ج
