لەیدی گاگا جۊر باڵندەی بەهەشت ناسریا

شەفەق نیوز/ لەیدی گاگا، ئەو خانمە هونەرمەنە  هەمیشە سەردێڕ هەواڵەیل جەهانە، وە جۊلە و كارە ئەڵاجەۊیلی نێکەفێد، جۊر ئەسارەی گەشێگ هەمیشە دەرکەفێد، دۊیاجار لەیدی گاگا جۊر باڵندەی بەهەشت ناسریا، لەوەر ئەوەگ لە نمایش پیشاندان فیلم House of Gucci دەور دییە.  

لە رووژ نمایشەگە وە دڵنگ سەیرەو دەركەفت، دڵنگ درۊژیگ لە ماركەی ڤیتۆن کردۊدە وەر،  وەگەرد پاپووش سیا.      

یەكیگ لە جۊلەیلی لە مەوقەی نمایەشەگە ئەوە بۊی ک دەسەێلی جۊر باڵ باڵندە واز کرد، یەیش  لەێدی گاگا جۊر باڵندەیگ نشان دا،   ‏   ‏

ئامادەبۊیەیلیش ناو (باڵندەی بەهەشت) بڕینە باڵای ئەو خانمە، دڵنگەگەی وە لایەن خانمە دیزاینەر ئیتالی(پاتریسیا ڕیگانی) دیزاین کریایە.