لە مەغرب فیلمێگ لەبارەێ خەبات مستەفا بارزانی نمایش کريه‌ێد

شاخەوان ئدریس، وەڕێه‌وبەر سینەمای هەولێر وە (رووداو) وتگە، يە پرۆژەی گەوراێگە ک فیلمێگ دۆکیۆمێنتاریه‌و له‌تێ باس لە خەبات مستەفا بارزانی ئەکا لە بزاڤ رزگاریخواز کوردستان.

ناوبرياێ هه‌ميش وت، چه‌وەڕێ کەیم ئەو فیلمە لەو فێستڤاڵە خەڵات وەدەسبارێ و تا ئيسه‌يش کار ئامادەکردن ئەو فیلم دۆکیۆمێنتارییە وەردەوامە.

ئەو قسه‌يل وەڕێه‌وبەر سینه‌مای هەولێره‌ دوياێ ئەوەهات ک عەبدە ئەلحیمر، سەرۆک فێستیڤاڵ شوونپەنجەی داهێنانەيل سینمایی لە شار ریبات پایتەخت مەغرب بڵاویه‌وکرد، ک وە هەماهەنگی وه‌ل شاند سینەمای کوردی لە هەرێم کوردستان رێککەفتیمنه‌ ک فیلمێگ لەبارەێ خەبات مەلا مستەفا بارزانی لەو فیستیڤاڵە نمایش بکريه‌ێد، ک له‌تێ ڕووشنايی ئەخادە بان وێستگەیل ژیان و خەباتەگەێ.

وەڕێه‌وبەر سینەمای هەولێر ئويشێ، پەیوەندی وەهێزێگ وه‌ل مەغرب ديريم و لە فێستيڤاڵ ساڵ گوزه‌يشته‌ بەشداری له‌تێ کرديمنە. يەيش بوودە دويەمینجار ك بەشداری لەو فێستيڤاڵە بکەیمن.

فێستیڤاڵ شوونپەنجەی داهێنانەيل سینمایی لە ربات لە رووژ 6 مانگ ئایار دەسوه‌پێ که‌ێد و تا 10ی هەمان مانگ وەردەوام بوود و شاندێگ ميديايی و هونەری و سینەمایی لە هەرێم کوردستان له‌تێ بەشدار بوود.

ا. ج