كەژاڵ: هونەرمەندەیل ژن وەچه‌ویلكەی رەخنە تماشا ئه‌كریه‌ن

وەهونەرمەندەیل ژن. كەژاڵ، ئەوەیش ئاشكراكرد ك هویچ وه‌خت داوای هاوکاری له هویچ لایه‌‌‌نێگ حکوومه‌‌‌ت نه‌‌‌کردگه ئه‌را كارەیل هونەریی.
كەژاڵ ئادەمی یەكێگە لەو هونەرمەنده‌یلە ك تویه‌نستگه‌ جی خوه‌ی لەناو دونیای هونەری ئەدەبی بكاده‌و، لەلێدوانێگ باس لەدیاردەی توندوتیژی ئەكا وەرانوەر وەژنه‌یل و ئویشێ:" چالاکی کردن له‌و بواره‌یله‌‌‌ ک فره‌تر ئه‌‌‌ندامه‌‌‌گانیان پیاون و له‌‌بان یاسایل پیاو بونیاد نریانه‌، بێگومان كار ئاسانیگ نییه ئه‌را ژنه‌یل. یه‌‌کێگ له‌‌‌و توندوتیژیه‌یله‌‌ ک ژنه‌یل هونه‌‌رمه‌‌‌ند به‌‌ره‌‌‌نگاری ‌‌بوون ئه‌‌‌وه‌سه ك فره‌جار وه چه‌ویلکه‌‌‌ی ڕه‌‌‌خنه‌‌‌ تماشایان كریه‌ێد و بڕێگ جار ئه‌‌‌وقه‌‌‌ره‌ تیشک ‌‌‌خریه‌ێده بانی ئه‌را په‌یاكردن خاڵێگ ئه‌را ڕه‌‌‌خنه ئه‌‌‌وقه‌‌‌ره سه‌‌رنج نادریه‌ێده په‌‌یام و ناوه‌‌‌روک به‌‌رهه‌‌م هونه‌‌‌رمه‌‌‌‌ده‌یل ژن.
لەبارەی چڕین گورانی لەباره‌ی ژیان سه‌خت ژنه‌یلەو ئاماژە وەوە ئەكا، ته‌قالا ئه‌‌‌كا ک ده‌‌نگێگ ژنانه بوود ئه‌را ئەوەگ بتویه‌نێ زایه‌‌ڵه‌‌‌‌ی ئه‌‌‌‌وین و ئازار ژنه‌یل کۆمه‌‌ڵگاگه‌‌‌ی بوود. ئویشێدیش هویچ وه‌خت ئه‌‌‌وه‌‌‌ له‌‌‌هویره‌و نه‌‌‌وردمه و له بڕێگ له‌‌ گورانییه‌‌گانم ئی دیارده ڕه‌‌‌نگه‌وداینه‌‌‌ هه‌‌‌س ئه‌را نموونه گورانی "نامه" و "واقیعی پڕ ژه‌‌هر" .
هەمیش سەبارەت وەوەگ حكوومه‌ت ئه‌را هاوكاری هونه‌رمه‌نده‌یل جیاوازی ئه‌كا له‌ناونی هونه‌رمه‌ند ژن و هونه‌رمه‌ند پیاو؟، كەژڵ وت " وه‌ل ئه‌‌‌وه‌‌‌گ هه‌‌‌میشه‌ جوور هونه‌‌رمه‌‌‌‌ندێگ سه‌‌‌روه‌‌‌خوه‌ی كار کردمه و تا ئمڕوو داوای هاوکاری له هویچ لایه‌‌‌نێگ حکوومه‌‌‌تی نه‌‌‌کردمه هه‌‌ر وه‌یخاتره فره‌ ئاگادار ورده‌‌‌کارییه‌‌‌یل ئی هاوکاریه‌یله نیم.

ا. ج