قەورەگەی رازی، کریا وە دی
![قەورەگەی رازی، کریا وە دی](https://media.shafaq.com/media/arcella/1612731448949.jpeg)
شەفەق نیوز- دۆماێ چەنی چەن سەدە گەردین دە شوون ئەو قەورە ک تەرم موحەمەد کوڕ زکەریاێ رازی، کاشف ئەڵکۆڵ و زانستمەن نامدار دنیا، دە نامێ تم بییە، ئاخرێ ئی قەورە کریا وە دی.
بەرپرس تەحقیقات نوجوم حەرەم شاعەڤدڵعزیم حەسەنی دە شار ڕەی تێهران وتگە: قەورەگەێ ئی پیاگ زانا ک یەکێ لە گووڕەێلەێ بێنام و نیشان قەورسانە قەدیمییەێ شار ڕەی بییە، ئێسە دی دیاری کریاگە.
قەور رازی وە خاتر یە ک ئەڵکوڵ کردگەسە دی و ئەڵکۆڵ ئەڕا شەراوسازی بریاگەسە کار، شوون گومە کریاگە.
ئێسە ک دنیا وە خاتر پەتای کورونا، گەنجوورێ هەوەجەێ وە ئەڵکوڵ کەفتگە، قەور کاشف ئەڵکوڵ دە زێد و ماواگەێ خوەێ کریاگەسە دی و یە خوەێ یەکێ لە چەوچەێل و ئەڵاجەوییەێل گەپ رووژگار وە هساو دیاێ.
رازی وە خاتر کار فرە کردن دە مل کیمیاگەری و ئەڵکوڵسازی، چەم خوەێ و ئمجا جەرگ و نامزگ و ئاخرسەریش گیان خوەێ داناگە و هێمانیش هەم، دە دنیا جوور یەکێ لە شیمیدانەێل گەپ و خزمەتکار وە گشت دنیا، دناسرێ.