فیلمیگ كوردی خەڵات خاسترین فیلم لە فیستیڤاڵ ڤیكتۆریا وەرگرد

شەفەق نیوز/ فیلم سینەمایی (ئەزموون)، لە دەرهاوەدن سینەماكار كورد (شەوكەت ئەمین كوركی) خەڵات خاسترین فیلم لە بیس و هەفتەمین خول فیستیڤاڵ ناودەوڵەتی فیلم (ڤیكتۆریا) لە وڵات كەنەدا وەدەس هاورد.  

فیلم سینەمایی (ئەزموون The Exam) چوارەمین فیلم درۊژ سینەماكاری كورد، شەوكەت ئەمین كوركییە، لە بەرهەمهاوردن مەمەد ئەكتاش، بەرهەم هاوبەشی هەرێم كوردستان و وڵاتەیل ئەڵمانیا و قەتەرە؛ لە نووترین بەشداری نادەوڵەتی لە بەش سەرەكی بیس و هەفتەمین خول فیستیڤاڵ ناودەوڵەتی (ڤیكتۆریا Victoria) لە وڵات كەنەدا نمایش كریا و لەلایەن هۆگران، ڕخنەگرەیل و نۊسەرەیل سینەمایی، پێشوازی لەلی کریا و تۊنست خەڵات خاسترین فیلم بەش (پێشبڕكێ ناودەوڵەتی) ئی رۊداو گرنگ سینەماییە وەدەس بارێد. 

ئەزموون، بەرهەم كۆمپانیای (میتۆس فیلم) بەرلین و كۆمپانیای (مەستی فیلم) سلێمانیە، ک وە پاڵپشتی وەزارەت روشنهۊری و گەنجەیل حكومەت هەرێم كوردستان بەرهەم هاتیە، و لە لایەن كۆمپانیای ئەڵمانی (ئاڕت هوود ArtHood) لە جەهان بڵاو بوود. 

بیس و هەفتەمین خول فیستیڤاڵ نقودەوڵەتیی فیلم (ڤیكتۆریا VFF) وە سەرۆكایەتی دان مەك دۆنا Dan McDonagh و وە وەرپرسایەتی خانم كێتی كەی و وە نمایش بەرهەم وڵاتەیل جەهان، لە رووژەیل 4 تا 13ی شوبات 2022 لە شار ڤەنكۆڤێر لە وڵات كەنەدا وەڕیەو چگ.