فیلم (هه‌ڵه‌بجه.. مناڵه‌يل گومبوی) شه‌شه‌مین خه‌ڵات وه‌ده‌سهاورد
ئه‌و فیلمه ك ده‌رهاوه‌ره‌گه‌ی سینه‌ماكار كورد (ئه‌كره‌م حه‌یدۆ)یه‌‌و باس مه‌ته‌ڵ (عه‌لی زمناكۆ) ئه‌و مناڵ هه‌ڵه‌بجه‌ییه ئه‌كا ك له كاره‌سات كیمیاواران كردن هه‌ڵه‌بجه له ساڵ (1988) له ئيران گوم بوود و له‌لایه‌ن خێزانێگ ئيرانییه‌و كريه‌ێده خاون و دويای (21) ساڵ له‌و كاره‌ساته گله‌و ئه‌خواد ئه‌را شاره‌گه‌ی‌و وه خانه‌واده راسكانييه‌‌گه‌ی خوه‌ی شاده‌و ئه‌دێ.
ئه‌و فیلمه دوياى نمایش كردنی له كهنداو وه خاسترین فیلم به‌شداربوی فستیڤاڵه‌گه ده‌سنیشان كريا له‌لایه‌ن ره‌خنه‌گره‌ىل فیلمه‌و، ك تا ئيسه فیلم (هه‌ڵه‌بجه.. مناڵه‌يل گومبوی) له چه‌نه‌ها فستیڤاڵ سینه‌مایی جه‌هانی به‌شداری كردگه‌‌و خه‌ڵات (فستیڤاڵ سینه‌مایی ساوپاولۆ له به‌رازیل، فستیڤاڵ ئۆرن له ئه‌ڵمانیا، فستیڤاڵ دیاربه‌كر له توركیا، فستیڤاڵ سینه‌مای راسكانی له تاران، فستیڤاڵ هونه‌ری حه‌فتم ئه‌را فیلم كوردی له له‌نده به‌خشرياسه‌پی.
ئه‌كره‌م حه‌یدۆ ده‌رهاوه‌ر فیلمه‌گه، وێنه‌گر‌و ده‌رهاوه‌رێگ سینمایی كورده‌‌و خه‌ڵكى رووژئاواى كوردستانه‌‌و له‌ساڵ (1995)ه‌و له وڵات ئه‌ڵمانیا ژيه‌ێ.
