فرووشتن تابلۆی "بازی رووشنایی و سا" وە نزیکەی 121 مليۆن دۆلار

شەفەق نیوز/ تابلۆی "ئیمبڕاتۆڕیەت رووشناییەیل" ئەرا هونەرمەن رينيه ماگرێت، وە 121 مليۆن دۆلار لە زیایکردن ئاشکرای ماڵ "كريستيز" لە نيويۆرك فرووشیا، وەیەوە شمارەی پەیمانەیی ئەرا کارەیل ئی هونەرمەنە توومار کرد.

دویای 10 خولەک لە دەسکردن وە زیایکردنەگە لە ناوەند رۆكفلەر، ئەو تابلۆ وە 121 مليۆن و160 هەزار دۆلار فرووشیا، کە بڕە پویلیگ پەیمانەییە ئەرا کاریگ هونەری سیریالی، کە وەیجویرە بوودە گرانترین تابلۆ لە میژوو زیایکردنەیل.

ئی تابلۆ بەشیگە لە زنجیرە تابلۆەیل ماگرێت (1898-1967) لە ژیر ناونیشان بازی رووشنایی و سا.

وینەگە ماڵیگ نشان دەێد مەوقەی شەو، کە وە تەنیا چراغیگ رووشنەو کریاس، لەژیر ئاسمان کەوو رووژ.