شەپۆلە گەپەگەی کاتسوچیکا هوکوسای
شەفەق نیوز/ هونەرمەن یابانی گەورە کاتسوچیکا هوکوسای ئۊشێد: ئەگەر ئاسمان دە یا پەنج ساڵ تر بخەێدە بان تەمەنم، وەنە بۊیامە هونەرمەنیگ وەڕاسی.
ئەوەگ نووورێدە کارەیل ئی هونەرمەن یابانی گەورە (لە ساڵ ١٧٦٠ تا ١٨٤٩) ک وەگەورەترین هونەرمەین مەکتەو رواشم یابانی دانریاگە، دۊینێد ک خوەی خاوەن تابلۆی (شەپۆل مەزن دەریاگە)س ک ئمڕوو لە مۆزەخانەی غیمێە لە پاریس دانریاگە، و لەبان چوو دروسی کردگە. چۊنکە ئی تابلۆ فرە وەناوبانگە ونجەماوەریە، شایەت بەشیگ لەلای خوەیەو یە تەنیا چاپیگە لەی شیوە، باوجی کاتسوچیکا هوکوسای ئی باوەتە ئەرا چەن جاریگ دروس کردگە.
لە راسیەگە، هوکوسای لە ساڵ ١٧٩٧ ئی تابلۆ جیوەجی کرد، هەنای لە وەرز وەهار چگە ئینوشۆما ئەرا سەیران، و شەپۆلە گەپەگەی ناو دەریاگە لە هۊیری نەۊی، وەلێ هۊری لەلای ئەو ماسیگرەیلە بۊی لەبان بەلەمەیلە ک وەگەرد گوڵ سوو هاتیانە راوماسی.
هوکوسای ئی پارچە کیشاد ک کڕەیلی فرە هۊردە، و گرنگی داسە شیوەی رەفتارەیلە زیاتر لە بەرزی شەپۆلەگە، دووارە لە ساڵ ١٨٠٣ جاریگ تر وێنەی شەپۆلەگە کیشا، و ئی جارەگە شەپۆلەگە فرە گەورەتر بۊی، ک کەشتییگ لەورا رەد بوود.
هوکوسای لە یەکیگ لە وتارەیلی ئۊشێد " هەنای لە تەمەن شەش ساڵان بۊم، وێنەی چعتەیل وەرچەوم کیشیام، و لە تەمەن پەنجا ساڵان کارەیلیگ خاستر کرەم، وەگەرد ئەوەیش، تەنیا لە تەمەن هەفتا ساڵان چشتیگ ئەرزشدار کردم.
