"سياوه‌ش" گورانييگ ئه‌ڕا (كوبانێ و شه‌نگال) چڕێ
2014-10-18T13:10:06+00:00
له‌شوون جه‌نگ كوردستان دژ وه‌تيرۆريسته‌يل ڕێكخرياێ تيرۆريستی ناسرياێ وه‌داعش و كاره‌ساته‌يل شه‌نگال و كوبانێ، هونەرمەنده‌يل و شاعره‌یل به‌ش خوارگ كوردستان له‌ئيلام و كرماشان تا به‌دره‌و جه‌سان، بێ وچان دڵ کورد وە ئاهەنگ و سووز نیشتمان پەروەری گەرم گردنە و وه‌به‌رهه‌مه‌يل هونه‌ری و چالاكيه‌يل جووراوجوور هاوخه‌می خوه‌ێان وه‌ل كاره‌ساته‌يل ئی دوياخره‌ێ كوردستان نيشاندانه.
له‌دريژه‌ێ ئه‌و كاروچالاكيه‌يله، ئيجاره هونه‌رمه‌ند گورانيچڕ شار كرماشان "سياوه‌ش پووڕغوڵامی" گورانييگ ئه‌ڕا (كوبانێ و شه‌نگال) چڕی.
گورانيه‌گه ناوێ (بوار واران)ـه‌و تێكسته‌گه‌ێ له‌لايه‌ن "ئاراس جه‌واد"ـه‌و نويسرياس و كار ميلۆدی و ته‌نزيمكردنيشێ له‌لايه‌ن "وه‌حيد كرماشانی" ئه‌نجامدرياس.
