ئەسارەی چێرس گیانی لەدەسدا

شەفەق نيوز/ بنەماڵەی ئەکتەر ئەمریکی جۆرج وێندت کە وە رۆڵ لە زنجیرە تەلەفزیۆنییەگەی "چیێرس" ناسیاس، لە تەمەن ٧٦ ساڵی دویاکووچی کرد، راگەیان.

لە بەیانامەیگ ئاشکرا کردن کە "هونەرمەنەگە وە ئارامی لەناو خەو لە ماڵەگەی خوەی لە شیکاگۆ گیانی لەدەسدا"، لە وەختیگ تا ئیسە نۆوو مردنەگەی وە فەرمی ئاشکرا نەکریاس.

خیزانەگە داوا کرد لەی وەختەیل سەختە رێز لە تایبەتمەندییان بگریەێد، وتنیش؛ "جۆرج پیاییگ بویە دووس خیزانەگەی داشتگە، هاوڕێیگ دڵسووز بویە و سەرچەوەی دڵنیایی بویە ئەرا گشت ئەوانەگ ناسنەی".

وێند بەڕی رۆڵەیلی لە زیاتر لە ٢٨ فیلم لەناویان: Dreamscape (1984)، house (1985)، Fletch (1985)، وForever Young (1992)،و   Spice World (1997)، وەلێ ناو خوەی لەناو هویرمان جەماوەری وە رۆڵ "نۆرم بيترسون" لە زنجیرەی کۆمیدیای وەناوبانگ "تشيرز" هیشتەجی، کە نمایشکردنی زیاتر لە 11 وەرز لەبان کەتاڵ NBC لە ساڵەیل 1982 و1993 وەردەوام بوی.

 وێندت لە هەر ٢٧٥ ئەڵقەی زنجیرەگە دەرکەوفتگە، کە بسین ئاسایی باڕەگە نیشاندەێد، کە وە هەنەکی نوکتەیل و ناسیاس، لە ساڵەیل هەشتایەیل و نەوەتەیل بویە یەکیگ لە ئایکۆنەیا کۆمیدیای تەلەفزیۆنی.