زوورگیری لە سووپر ئستار ئیلامی

شەفەق نیوز- نەوید موحەمەدزادە، سوپر ئستار مێهرانی سینەمای ئێران ، دە به‌رنامه‌ی خوەمانی (هام‌ڕفێق) ک لە تلیفزیان ئێران بڵاو دبی، باس زوورگیریێ ک بڕێ جهاڵ‌ و ڵات‌وەز لەێ کردنە کرد و وت: یەک شەو ساعەت وە یەک شەو دبی ک دا ئەو برجم ک جگێ پاپێیاڕۆیی بکەم و وە تەنیا لە ماڵ دام وە دەر، دە دەور و گرد چوارڕێیان وەلی‌عەسر بیم دە نام‌ڕاس تێهران، بڕێ دەڵە دز رشیان و ئەوەڵیەکە وە قەوڵێ وتنی لۆتمەو کرد و دوێیمگە ک هاتە نوا و چەمێ کەفت ئەڵە م ناسییەم و وت: "چوونی؟ سوڵتان" و عوزورخوازی کردن و ولم کردن و چگنە رێ.

ئەوی ک خوەێ دە ئی بەرنامەیش وت دە ئەڵبژاردان نەخشەیلەێ خوەێ ئەڕا فیلم وازی کردن هەمیشە هە دخوازێ لاییندارێ بکەێ لە کەسەیلێ  ک دەنگێ دە نام جامێعە نەدیرن و لە ویرەو چگنە، ئەو زوورگیرە ئه‌ڔا یه سه‌‌ر وه خه‌یر بییه، ک نەوید دە فیلمه‌ی (ئەبەد و یەک رووژ)، نەخش موعتاد تاڕیاگێ لە جامێعە وازی کردگە، تا ده‌نگ ئه‌یانه‌یش بڕه‌سنێ وه گشتێ، ئوو یه بییه‌سه چین خه‌یرێ ک ئه‌و زوورگیره‌یله بناسننه‌ێ و دووسێ داشتووبن و لۆتێیه‌و نه‌که‌ن.